যিরমিয় 39:3 - Chakma Bible

³ সেক্কে বাবিল রাজার বেক্ রাজার চাগরুনে, অত্তাৎ নের্গল-শরেৎসর, সমগরনবো, শর্সখীম নাঙে এক্কো চাগর সদ্দার্, নের্গল-শরেৎসর নাঙে দাঙর্ পোজিশনর্ এক্কো রাজার চাগরে আর বাবিল রাজার অন্য চাগরুনে এইনে সংমোধ্যে গেদোত্ বজিলাক্।

যিরমিয় 39:3 ပူးပေါင်းရင်းမြစ်များ

২ রাজাবলী 17:30

এধোক্ক্যেনগুরি বাবিলো মানুচ্চুনে বানেলাক্‌ সুক্কোৎ-বনোতর মূত্তি, কূথের মানুচ্চুনে বানেলাক্‌ নের্গল মূত্তি, হমাতর মানুচ্চুনে বানেলাক্‌ অশীমার মূত্তি,

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিরমিয় 38:17

সেক্কে যিরমিয় সিদিকিয়রে কলঅ, “ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘তুই যুনি বাবিল রাজার সেনাপতিবো ইধু ঊদি যানা স্বিগের্ গরচ্ সালে তঅ পরানান্ বাঁজিবো আর এ শঅরান পুড়ি দিয়্যে ন-অবঅ; তুই আর তঅ গিরিবো বাঁজিবো।

যিরমিয় 39:13

সেনত্তে চুগিদারুনোর সেনাপতি নবূষরদনে, নবূশস্‌বন নাঙে এক্কো চাগর সদ্দার, নের্গল-শরেৎসর নাঙে এক্কো দাঙর্ পোজিশনর চাগর্ আর বাবিল রাজার অন্য বেক্ দাঙর্ পোজিশনর চাগরুনে মানুচ্ পাধেইনে চুগিদারুনোর উদোনত্তুন্ যিরমিয়রে নিগিলেই আনিলাক্। যিরমিয়রে তা ঘরত্ নেযেবাত্তে তারা অহীকামর পুয়ো গদলিয় আঢত্ দিলাক্; অহীকামে এলঅ শাফনর পুয়ো। যিরমিয় তা নিজো মানুচ্চুনো ভিদিরে রলঅ।

যিহিষ্কেল 26:10

তার এদক্ বেশ্ ঘোড়া থেবাক্, সিগুনে তরে ধূল্যেলোই নাঢি দিবাক্। ভাঙা দেবাল ভিদিরেদি মান্‌‌‌‌‌জ্যে যেবাবোত্যে গুরি শঅরত্ সমন্ সেবাবোত্যেগুরি তে যেক্কে যুদ্ধোর ঘোড়া, গাড়ি আর রথ্‌তোই তর্ বেক গেইট্টুনো ইন্দি সোমেব সেক্কে তা রবুয়োলোই তর্ দেবালানি গির্‌‌‌‌‌‌গিরেব।