যিরমিয় 39:12 - Chakma Bible

¹² “তারে নিইনে তার দেগাশুনো গুরিবা; তার কনঅ খেতি ন-গুরিবা বরং তে যিয়েনি কবঅ সিয়েনি গুরিবা।”

যিরমিয় 39:12 ပူးပေါင်းရင်းမြစ်များ

গম্ উপদেজ্ 16:7

মান্‌‌জ্যর জিংকানি চেইনে যেক্কেনে লগেপ্রভু হুজি অয় সেক্কেনে তে তার শত্রুগুনোরেয়ো তা সমারে গমেডালে বজত্তি গরায়।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 23:5

ধন-সোম্বোত্তি ইন্দি একবার রিনি চেলে দেগিবে সিয়েনি আর্ নেই, কিয়া সিয়েনিত্ পুয়োর্ গেজেব আর ঈগল ধোক্ক্যেন আগাজত্ উড়ি যেবঅ।

যিরমিয় 15:11

লগেপ্রভু কলঅ, এক্কান ভালেদির আশায় মুই ঘেচ্চেকগুরি তরে রেহাই দিম। মুই এমন অবস্থা সৃষ্টি গুরিম যিয়েনত্তে দজা আর দুদ্দজার সময়োত্ তঅ শত্রুগুনে কামাক্কায় তইধু এইনে কোজোলি গুরিবাক্।‌‌

যিরমিয় 15:21

মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 39:13

সেনত্তে চুগিদারুনোর সেনাপতি নবূষরদনে, নবূশস্‌বন নাঙে এক্কো চাগর সদ্দার, নের্গল-শরেৎসর নাঙে এক্কো দাঙর্ পোজিশনর চাগর্ আর বাবিল রাজার অন্য বেক্ দাঙর্ পোজিশনর চাগরুনে মানুচ্ পাধেইনে চুগিদারুনোর উদোনত্তুন্ যিরমিয়রে নিগিলেই আনিলাক্। যিরমিয়রে তা ঘরত্ নেযেবাত্তে তারা অহীকামর পুয়ো গদলিয় আঢত্ দিলাক্; অহীকামে এলঅ শাফনর পুয়ো। যিরমিয় তা নিজো মানুচ্চুনো ভিদিরে রলঅ।

যিরমিয় 40:4

মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

আমোষ 9:4

শত্রুলোই বন্দী ওইনে তারা অন্য দেজত্ গেলেয়ো সিদু তারারে মারে ফেলেবাত্তে মুই লাম্বা ছুরিগানরে উগুম দিম। ভালেদিত্তে নয় মাত্তর্ অমংগলত্তেই মুই তারা উগুরে মঅ চোগ্‌‌‌কুন থির্ রাগেম।”