যিরমিয় 38:23 - Chakma Bible

²³ তর্ বেক মোগ্ আর ঝি-পুয়োগুনোরে বাবিলীয়গুনো ইধু নেযা অবঅ। তুই নিজেয়ো তারা আঢত্তুন্ রোক্ষ্যে ন-পেবে বরং বাবিল রাজা আঢত্ ধরা পুরিবে, আর এ শঅরান পুড়ি দিয়্যে অবঅ।”

যিরমিয় 38:23 ပူးပေါင်းရင်းမြစ်များ

২ রাজাবলী 25:7

সৈন্যগুনে সিদিকিয়ো চোগো মুজুঙোত্‌ তা পুয়োগুনোরে মারে ফেলেল। সে পরেন্দি তারা তা চোখ দ্বিবে তুলি ফেলেইনে তারে পিদোল শিগোল্‌লোই বানিনে বাবিলোত্‌ নেযেলাক্‌।

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 32:4

যিহূদার রাজা সিদিকিয় বাবিলো রাজা আঢত্তুন্ রেহাই ন-পেবঅ বরং তারার রাজার আঢত্ তারে ঘেচ্চেকগুরি তুলি দিয়্যে অবঅ। বাবিলো রাজার মুয়োমি ওইনে তে কধা কবঅ আর নিজো চোগেদি তারে দেগিবো।

যিরমিয় 34:3

তুই তা আঢত্তুন্ রেহাই ন-পেবে; তরে ঘেচ্চেকগুরি ধুরিনে তা আঢত্ দিয়্যে অবঅ। তুই নিজো চোগেদি বাবিলো রাজারে দেগিবে; তে তর্ মুয়োমি ওইনে তঅ সমারে কধা কবঅ, আর তুই বাবিলোত্ যেবে।

যিরমিয় 37:8

সে পরেদি বাবিলীয়গুনে ফিরি এইনে এ শঅরান আক্রমণ গুরিবাক্; তারা ইয়েন গজক্ গুরিনে পুড়ি ফেলেই দিবাক্।

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 38:24

সেক্কে সিদিকিয় যিরমিয়রে কলঅ, “এ কধাবাত্তানি কনজনে যেন হবর্ ন-পান, হবর্ পেলে তুই মুরিবে।

যিরমিয় 39:5

মাত্তর্ বাবিলীয় সৈন্যগুনে তারা পিজেদি লোড়েইনে যিরীহোর সংজাগানত্ সিদিকিয়রে ধুরি ফেলেল। তারা তারে ধুরিনে হমাৎ দেজর্ রিব্‌লাদত বাবিল রাজা নবূখদ্‌নিৎসর ইধু নেযেলাক্। নবূখদ্‌নিৎসরে তার সাজার উগুম্ দিলো।

যিরমিয় 39:6

বাবিলর্ রাজা রিব্‌লাদত্ সিদিকিয়র চোগো মুজুঙোত্ তা পুয়োগুনোরে মারে ফেলেল আর যিহূদার বেক্ রাজার চাগরুনোরে মারে ফেলেল।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 6:12

যিগুনে দেজত্ বজত্তি গরন তারা বিরুদ্ধে যেক্কে মুই সাজা দিবার আঢ্‌তান বাবেই দিম্ সেক্কে অন্যগুনো আঢত্ তারার ঘরানি, ভূইয়ানি আর মোগ্‌‍‍কুনোরে তুলি দিয়্যে অবঅ।

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

যিহিষ্কেল 17:15

মাত্তর্ সেই শাজন্‌গুরিয়্যেবো ঘোড়া আর এক্কো দাঙর্ সৈন্যদল পেবাত্তে মিসরত্ দূত পাধেইনে বাবিল রাজার বিরুদ্ধে উল্লোমী গুরিলো। তে কি সফল অবঅ? যে এই কামানি গরে তে কি রেহাই পেবঅ? শমক্ ভাঙিলে কি তে রোক্ষ্যে পেবঅ?

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

গণাণা 4:18

“তুমি চেইয়ো যেনে লেবি-গুট্টির্‌ ভিদিরেত্তুন্‌ কহাতীয় বংশগুন্‌ বাদ ন-যান।