যিরমিয় 37:2 - Chakma Bible

² লগেপ্রভু ভাববাদী যিরমিয়রে দিইনে যেদক্কানি কধা কোইয়্যে সেক্কে সিদিকিয় বা তার চাগরুনে বা দেজ মানুচ্চুনে কনজনে ন-শুনিদাক্।

যিরমিয় 37:2 ပူးပေါင်းရင်းမြစ်များ

২ শমূয়েল 10:2

দায়ূদে কলঅ, “হানূনোর বাপ্‌পো নাহশে মঅ উগুরে যেধোক্ক্যেন বিশ্বেজি এলঅ সেধোক্ক্যেন্ মুইয়ো হানূনো উগুরে বিশ্বেজি থেম্‌।” সেনত্তেই তা বাপ্‌পোর্‌ মরাণার অক্তত্‌ তারে বুজেবাত্তে তে কয়েক্কো মানুচ্‌ পাধেই দিলো। সেক্কে দায়ূদো মানুচ্চুনে অম্মোনীয়গুনোর দেজত্‌ গেলাক্।

১ রাজাবলী 14:18

লগেপ্রভু তা চাগর্‌ ভাববাদী অহিয়োর্‌ মাধ্যমে যেধোক্কেন্‌ কোইয়্যে সেধোক্কেন্‌ ইস্রায়েলর্‌ বেক্‌ মানুচ্চুনে পূঅবোত্তে আবিলেচ্‌ গত্তে গত্তে তারে গোর্ দিলাক্‌।

১ রাজাবলী 16:7

হনানির পূঅ ভাববাদী যেহূর মাধ্যমে বাশা আর তার্‌ বংশগুনোর্‌ বিরুদ্ধে লগেপ্রভুর কধানি ফগদাঙ্‌ ওইয়্যে, কিত্তেই যারবিয়ামর্‌ বংশগুনো ধোক্ক্যেন্ তে লগেপ্রভুর চোগোত্‌ যিয়েনি বজঙ্‌ সিয়েনি গুরিনে লগেপ্রভুরে বেজার্ গোজ্যে আর যারবিয়ামর্‌ বংশবোরে ভস্ত গুরি দিয়্যে।

২ বংশধর 36:11

সিদিকিয় এগোজ্‌ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে।

যাত্রা 4:13

জোবত্‌ মোশি কলঅ, “ও প্রভু, মুই কোজোলী গরঙর্‌, অন্য কনজনরে দিইনে তুই এ হবরান্ পাধেই দে।”

গম্ উপদেজ্ 26:6

যে মানুচ্চো বিবেচনা নেইয়্যে মান্‌জ্যর আঢে হবর্ পাদায় তে যেন নিজো টেঙ্ কাবি ফেলায় আর দজা ডাগি আনে।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

লেবীয় 8:36

মোশিরে দিইনে লগেপ্রভু যিয়েন্‌ গুরিবাত্তে উগুম্‌ গোজ্যে হারোণে আর তার্‌ পূঅগুনে সিয়েনি বেক্কানি গুরিলাক্।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।