যিরমিয় 36:32 - Chakma Bible

³² সেক্কে যিরমিয় আর এক্কো ভাজ্ গুরি থোইয়্যে বোই নিইনে নেরিয়র পুয়ো লিগিয়্যে বারূকরে দিলো; যিহূদার রাজা যিহোয়াকীমে যে বোইবো আগুনোত্ পুড়ি দিয়্যে সিয়েনত্ যেদক্কানি লেগা এলঅ সেই বেক কধানি যিরমিয় মুয়োত্তুন্ শুনিনে বারূকে আরঅ লিগিলো। সেবাবোত্যে আরঅ বোউত্ কধায়ো সিবে সমারে মিজে অলঅ।

যিরমিয় 36:32 ပူးပေါင်းရင်းမြစ်များ

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যিরমিয় 36:18

জোবত্ বারূকে কলঅ, “অয়, তে মরে এই বেক কধানি কোইয়্যে আর মুই সিয়েনি এ বোইবোত্ কালিলোই লেখ্যং।”

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিরমিয় 36:4

সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

রোমীয় 16:22

মুই, তর্তিয়, পৌলর্ এ চিধিয়ান লেগঙর্। খ্রীষ্টর্ মানুচ্ ইজেবে মুইয়ো তমারে ভালেদি জানাঙর্।

ফগদাং পেইয়্যে 22:18

যে মানুচ্চো এ বোইবোর্ বেক্ কধানি, অত্তাৎ গোজেনর্ কধা শুনিনে মুই তা ইধু এ সাক্ষ্যগান দোঙত্তে, কেঅ যুনি ইয়েন সমারে কিজু মিজেয় সালে গোজেনেয়ো এ বোইবোত্ লেখ্যে বেক্ আঘাত্‌‌তানি তা জিংকানিত্ যোগ গুরিবো।