যিরমিয় 36:14 - Chakma Bible

¹⁴ সেক্কে রাজার চাগরুনে বেক্কুনে নথনিয়র পুয়ো যিহূদীরে দিইনে বারূকরে কোই পাধেলাক্, “তুই যে বোইবোত্তুন্ মানুচ্চুনোরে পড়ে শুনেয়োচ্ সিবে আন।” নথনিয় এলদে শেলিমিয়র পুয়ো, শেলিমিয় এলদে কূশির পুয়ো। সেক্কে নেরিয়র পুয়ো বারূকে সে বোইবো আঢত্ গুরিনে তারা ইধু এলঅ।

যিরমিয় 36:14 ပူးပေါင်းရင်းမြစ်များ

২ রাজাবলী 25:23

বাবিলোর রাজা গদলিয়রে শাজন্‌‌গুরিয়্যে নেযেয়োন্‌ শুনিনে যিহূদার বাদবাগি সেনাপতিগুনে আর তারা মানুচ্চুনে, অত্তাৎ নথনিয়োর পুয়ো ইশ্মায়েল, কারেয়ের পুয়ো যোহানন, নটোফাতীয় তন্‌হূমতর পুয়ো সরায় আর মাখাথীয়োর পুয়ো যাসনিয় আর তারা মানুচ্চুনে মিস্পাত গদলিয়ো ইদু এলাক্‌।

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 36:21

সেক্কে রাজা সে বোইবো আনিবাত্তে যিহূদীরে পাধেল। লিগিয়্যে ইলীশামার ঘুদিবোত্তুন্ যিহূদী বোইবো আনিনে রাজা আর তা কায়-কুরে থিয়্যেইয়্যে বেক্ রাজার চাগরুনো মুজুঙোত্ পোড়েই শুনেল।

যিরমিয় 36:4

সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

যিরমিয় 40:8

সেক্কে সে সৈন্যগুনে , অত্তাৎ নথনিয়র পুয়ো ইশ্মায়েল, কারেহের দ্বিবে পুয়ো যোহানন আর যোনাথন, তন্‌হূমতর পুয়ো সরায়, নটোফাতীয় এফয়র পুয়োগুনে আর মাখাথীয়র পুয়ো যাসনিয় আর তারার পুয়োগুনে মিসপাত গদলিয় ইধু এলাক্।

যিরমিয় 41:16

সে পরেদি যোহানন আর তা লগে সৈন্যদলর বেক্ সেনাপতিগুনে গিবিয়োত্তুন মিসপার বাদবাগি বেক্ মানুচ্চুনোরে ফিরেই আনিলো। ইশ্মায়েলে গদলিয়রে খুন গরানার পরেদি যোহাননে তা আঢত্তুন্ এই বেক্ সৈন্যগুনোরে, মিলে আর ঝি-পুয়োগুনোরে আর রাজার চাগরুনোরে উদ্ধোর্ গুরিলো।

যিরমিয় 41:18

তারা বাবিলীয়গুনোর দরে যিহূদাত্তুন্ ধেই যাদন, কিত্তে ইশ্মায়েলে বাবিল রাজার বানেয়্যে শাজন্‌গুরিয়্যে গদলিয়রে মারে ফেলেয়্যে।

সফনিয় 1:1

আমোনর পুয়ো যিহূদার রাজা যোশিয়র রাজাগিরির সময়োত্ কূশির পুয়ো সফনিয় ইধু লগেপ্রভুর কধানি ফগদাং অলঅ। কূশি অলদে গদলিয়র পুয়ো, গদলিয় অমরিয়র পুয়ো, অমরিয় হিষ্কয়র পুয়ো।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।