যিরমিয় 35:6 - Chakma Bible

⁶ মাত্তর্ তারা কলাক্, “আমি আংগুর-রস ন-হেই, কিত্তে আমা পুরোণি মানুচ্ রেখবর পুয়ো যিহোনাদবে আমারে এ উগুমান দিয়্যে, ‘তুমি বা তমা বংশধরুনে কনদিন্‌অ আংগুর-রস ন-হেবা।

যিরমিয় 35:6 ပူးပေါင်းရင်းမြစ်များ

পত্থম 25:27

এ পুয়োগুনে দাঙর্‌ অনার পরেদি এষৌ জদবদে কাবিল্ শিগেরী অলঅ। তে বারেদি মাদঠ্‌ ঘুরি বেরেদ, মাত্তর্‌ যাকোবে এলঅ অলর্‌ মিক্যে। তে ঘরত্‌ থেবাত্তে গম্‌ পেদঅ।

পত্থম 36:7

এষৌ আর যাকোবর য়েমান ধন এদক্‌ বেজ্ এলদে যে, তারার্ পক্ষে এক সমারে বজত্তি গরানা সম্ভব ন-অলঅ; তারা যিয়েনত্‌ এলাক সিয়েনত্‌ তারা দ্বিজনর্ য়েমান ঝাগকুন চোরেবাত্তে যগাজ্যে জাগা ন-এলঅ।

২ রাজাবলী 10:15

সিয়োত্তুন্‌ যানার পরেন্দি রেখবর পুয়ো যিহোনাদবর লগে যেহূর দেগা অলঅ। তে যেহূর লগে দেগা গুরিবাত্তে এইচ্ছ্যে। যেহূ তারে ভালেদি জানেইনে কলঅ, “মুই যেধোক্ক্যেন্‌ তমা পক্ষেন্দি আগং সেধোক্ক্যেন্‌ তুইয়ো কি মর্‌ পক্ষেন্দি আগচ্‌?” জোবত্‌ যিহোনাদবে কলঅ, “অয়, আগং।” যেহূ কলঅ, “যুনি সিয়েনই অয় সালে তর্‌ আত্তান্‌ বাবেই দে।” যিহোনাদবে সিয়েনই গুরিলো আর যেহূ তারে রথ্‌তানত্‌ তুলি নিলো।

২ রাজাবলী 10:23

সে পরেন্দি যেহূ আর রেখবর পুয়ো্ যিহোনাদবে বাল দেবেদার মন্দিরোত্‌ সুমিলাক্‌। যেহূ বাল দেবেদার পূজো গুরিয়্যেগুনোরে কলদে, “তুমি গমে ডালে তোগেই চঅ যেনে লগেপ্রভুর চাগরুনো ভিদিরে কনজনে ইয়োত্‌ তমা ভিদিরে ন-থান্‌, বানা বাল দেবেদার পূজো গুরিয়্যেগুনে থেবাক্‌।”

১ বংশধর 16:19

তারা জনেন্দি যেক্কেনে কম্‌ এলাক্‌, অমকদ কম্‌ এলাক্‌, আর তারা সিদু বিদেশী এলাক্‌,

গীতসংহিতা 105:12

তারা জনেদি যেক্কে কম এলাক্, অমকদ কম এলাক্, আর তারা সিদু বিদেশি এলাক্,

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যিরমিয় 35:10

আমি তাম্বুলোত্ তাম্বুলোত্ বজত্তি গুরি এজির্ আর আমা পুরোণি মানুচ্ যিহোনাদবে আমারে যিয়েনি উগুম গোজ্যে সিয়েনি বেক্কানি আমি গমেডালে পালেই এজির্।

যিরমিয় 35:14

রেখবর পুয়ো যিহোনাদবে তা পুয়োগুনোরে আংগুর-রস হেবাত্তে মানা গোজ্যে আর সেই উগুমান তারা পালাদন্। এজঅ সং তারা আংগুর-রস ন-হান, কিত্তে তারা তারার পুরোণি মানুচ্চুনোর উগুমান মানন্। মাত্তর্ মুই তমারে বারে বারে কোইয়োং, তো তুমি মঅ কধাগান ন-শুনো।

লেবীয় 10:9

তুই আর তর্‌ পুয়োগুনে আংগুর্‌-রস বা মদ হেইনে মিলন-তাম্বুলোত্‌ ন-চোমেবা, চোমেলে তুমি মুরি যেবা। বংশর্‌ পর্‌ বংশ ধুরিনে ইয়েন্‌ অবঅ তমার্‌ এক্কান্‌ উমরর্ সুদোম।

লূকে লেখ্যে গম্ হবর্ 1:15

কিয়া প্রভুর্ চোগেদি তে দাঙর্ অবঅ। তে কনদিন্অ আংগুর-রস বা কনঅ বাবোত্যে মদ্ ন-হেবঅ আর মা পেদত্ থাগদে তে পবিত্র আত্মালোই ভর্ পুনোং অবঅ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

বিচের গুরিয়্যেগুন 13:14

আংগুর গাজত্তুন্‌ যিয়েনি অয় সিয়েনি তে কনকিজু খেই পেদ নয়। আংগুর-রস বা কনঅ মদ অথবা অসিজি কিচ্ছু তে খেই ন-পারিবো। মুই তারে যেদক্কানি উগুম দুয়োং সিয়েনি বেক্কানি তাত্তুন পালা পুরিবো।”

বিচের গুরিয়্যেগুন 13:7

তে মরে কলঅ, ‘তুই পিদিলী অবে আর তর্‌ এক্কো পূঅ অবঅ। সেনত্তেই ইক্কিনেত্তুন্‌ ধুরি তুই আংগুর-রস বা কনঅ মদ অথবা অসিজি কিজু ন-খেবে, কিত্যে জর্মত্তুন ধুরি মরণ সং পূঅবো গোজেনর্‌ নাঙে নাসরীয় অবঅ।’”