যিরমিয় 34:8 - Chakma Bible

⁸ পরেদি লগেপ্রভু আরঅ যিরমিয় লগে কধা কলঅ। ইয়েন আগেদি রাজা সিদিকিয় যিরূশালেমর বেক্ মানুচ্চুনোরে সমারে চাগরুনোর উদ্ধোর্ কধাগান ফগদাং গরানার পৌইদ্যেনে সুদোমান থির্ গোজ্যে।

যিরমিয় 34:8 ပူးပေါင်းရင်းမြစ်များ

২ রাজাবলী 11:17

যিহোয়াদা সে পরেন্দি লগেপ্রভু, রাজা আর মানুচ্চুনো ভিদিরে এ চুক্তিবো গুরিলো, তারা লগেপ্রভুর মানুচ্‌ ইজেবে চলিবাক্‌। তে রাজা আর মানুচ্চুনোর ভিদিরেয়ো এক্কান্‌ চুক্তি গুরিলো।

২ বংশধর 23:16

সে পরেন্দি যিহোয়াদা, রাজা আর মানুচ্চুনে মিলিনে এ চুক্তিবো গুরিলাক্‌, তারা লগেপ্রভুর মানুচ্‌ ইজেবে চলিবাক্‌।

২ বংশধর 29:10

মুই ইক্কিনে ইস্রায়েলর গোজেন লগেপ্রভুর লগে এক্কো চুক্তি গুরিবাত্তে চাং যেনে তার্‌ দর্‌গরেপারা রাগ্‌কান আমা উগুরেত্তুন্‌ যাইয়োই।

নহিমিয় 9:38

সে পরেন্দি মানুচ্চুনে লিগিলাক্‌: “এ কারনে আমি ইক্কিনে নিজোর্‌ ভিদিরে লেখ্যে চুক্তি গুরির্‌, আর সিয়েন উগুরে আমা নেতাগুনে, লেবীয়গুনে আর ধর্মগুরুগুনে তারার্‌ সীলমহ্‌রবো দেদন্‌।”

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 34:17

সেনত্তে মুই কঙর্, তুমি মর্ বাধ্য ন-অ, কিত্তে তমা জাদ্ ভেইয়ুনোত্তে তুমি উদ্ধোর্ অনা ফগদাং ন-গরঅ। সেনত্তে মুই ইক্কিনে তমাত্তে উদ্ধোর্ অনা ফগদাং গরঙর্; সেই উদ্ধোরান্ অলঅ যুদ্ধো, ভানা আর ভাদরাদর্ আঢত্ পড়িবার উদ্ধোর্। মুই তমা অবস্থাগানি এবাবোত্যে গুরিম যিয়েন দেগিনে পিত্‌‍থিমীর বেক্ রেজ্যর মানুচ্চুনে দরে কিয়্যে জাগেরে উদিবাক্।‍

লেবীয় 25:10

এ পঞ্চাশ বজরর্‌ বজর্‌বোত্‌ লগেপ্রভুর নাঙে যুদো গুরি নেযেয়ে দেজর্‌ বেক্‌ মানুচ্চুনো ইদু উদ্ধোর্ ফগদাঙ্‌ গরা পুরিবো। তমাত্তেই এই বজরবো অবঅ ফিরি পেইয়ে বজর। এ বজরত্‌ তুমি বেক্কুনে যে যার্‌ বংশত্‌ আর পরিবারর্‌ সোম্বোত্তিত্‌ ফিরি যেবা।

দ্বি’লম্বর বিররণ 15:12

যুনি কনঅ ইব্রীয় মরদ বা মিলেরে তমা ইদু বিজি দিয়্যে অয়, সালে ছয় বজর তমা কাম্‌ গরানার পরেন্দি সাত বজরত্‌ তারে হামাক্কায় তমাত্তুন্‌ ইরি দিয়্যে পুরিবো।