যিরমিয় 34:18 - Chakma Bible

^18-19 যিহূদা আর যিরূশালেমর নেতাগুন, রাজার চাগরুন, ধর্মগুরুগুন আর দেজর্ বেক মানুচ্চুন দ্বিকট্টা গোজ্যে গোরু ছবোর সংমোধ্যেদি আঢিনে মঅ সুদোমান্ পালেবা বিলিনে এগেম্ গোজ্য, মাত্তর্ তারা মঅ সুদোমান ভাঙ্যন্ আর সেই এগেমান্ ন-পালান্।

যিরমিয় 34:18 ပူးပေါင်းရင်းမြစ်များ

পত্থম 15:10

অব্রামে সিয়েনই গুরিলো। তে সিগুন্‌ আনিনে সং সং দ্বিকট্টা গুরি পত্তি কট্টাগুন অন্য কট্টাগুনোর্‌ উগুদোগুরি সাজেই রাগেল, মাত্তর্‌ পেক্কুনোরে তে কট্টা কট্টা ন-গুরিলো।

পত্থম 15:8

সেক্কে অব্রামে কলঅ, “ও লগেপ্রভু, মর্‌ প্রভু, মুই কেন্‌জান্‌ গুরি হবর্‌ পেইম্‌ এ দেজ্‌ছান্‌ মইধু এবঅ?”

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

রোমীয় 2:8

মাত্তর্ যিগুনে নিজো আওজ্ মজিম চলন্ আর সত্যগানরে ন-মানিনে অন্যেয়ানরে মানি চলন্ গোজেনে তারারে জদবদে সাজা দিবো।

দ্বি’লম্বর বিররণ 17:2

তমার গোজেন লগেপ্রভুর দিয়্যে আদাম বা শঅরানির্‌ কনজাগাত্‌ অয়ত দেগা যেবঅ, তমা ভিদিরে কনঅ মরদ বা মিলে তমার গোজেন লগেপ্রভুর দিয়্যে সুদোম অমান্য গুরিনে তা চোগেদি যিয়েনি ভান্ন্যেই সিয়েনি গোজ্যে।

যিহোশূয় 7:11

ইস্রায়েলীয়গুনে পাপ গোজ্যন্‌; মুই তারারে মর্‌ যে সুদোমানি পালেবাত্তে কোইয়োং সিয়েনি তারা ন-পালান্‌। যেদক্কানি জিনিস ভস্তর্ অভিশাবর তলে সিয়েনির্‌ কয়েক্কান তারা নেযেয়োন; তারা চুর্‌ গোজ্যন্‌, মিজে কধা কোইয়োন্‌ আর বেক্‌ জিনিসছানি নিইনে তারা তারার নিজো জিনিসছানি লগে রাগেয়োন্‌।