যিরমিয় 34:15 - Chakma Bible

¹⁵ কয়েকদিন অলঅ তুমি মনান ফিরেইনে মঅ চোগেদি যিয়েন ঠিগ্ সিয়েনই গোজ্যন্, অত্তাৎ তুমি পত্তিজনে তমা ইব্রীয় ভেইয়ুনোরে উদ্ধোর্ ফগদাং গোজ্য। এমন কি, মঅ ঘরত্ মঅ মুজুঙোত্ তুমি মঅ সুদোমান মানিবা বিলিনে রাজি ওইয়ো।

যিরমিয় 34:15 ပူးပေါင်းရင်းမြစ်များ

২ রাজাবলী 12:2

ধর্মগুরু যিহোয়াদা যেদকদিন যোয়াশর সল্লা দিয়্যে এলঅ সেদকদিন যোয়াশে লগেপ্রভুর চোগোত্‌ যিয়েনি গম্‌ সিয়েনি গোজ্যে।

২ রাজাবলী 14:3

লগেপ্রভুর চোগেন্দি যিয়েনি গম্‌ অমৎসিয় সিয়েনি গুরিদো, মাত্তর্‌ তা পূরোণি মানুচ্‌ দায়ূদো ধোক্ক্যেন নয়। তে তা বাপ্পো যোয়াশর ধোক্ক্যেন বেক্‌ কামানি গুরিদো।

২ রাজাবলী 23:3

রাজা মঞ্চ উগুরে থিয়্যেইনে লগেপ্রভুর পধেন্দি আদিবাত্তে আর বেক্‌ মনান-পরাণান্‌ দিইনে তার্‌ বেক্‌ উগুমানি, সুদোমানি আর নিদ্দেশ্‌ছানি মানিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ গুরিলো। সেক্কে বেক্‌ মানুচ্চুনে রাজার লগে এক্কুই শমক্‌ গুরিলাক্‌।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিরমিয় 32:34

মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 34:8

পরেদি লগেপ্রভু আরঅ যিরমিয় লগে কধা কলঅ। ইয়েন আগেদি রাজা সিদিকিয় যিরূশালেমর বেক্ মানুচ্চুনোরে সমারে চাগরুনোর উদ্ধোর্ কধাগান ফগদাং গরানার পৌইদ্যেনে সুদোমান থির্ গোজ্যে।

লেবীয় 25:10

এ পঞ্চাশ বজরর্‌ বজর্‌বোত্‌ লগেপ্রভুর নাঙে যুদো গুরি নেযেয়ে দেজর্‌ বেক্‌ মানুচ্চুনো ইদু উদ্ধোর্ ফগদাঙ্‌ গরা পুরিবো। তমাত্তেই এই বজরবো অবঅ ফিরি পেইয়ে বজর। এ বজরত্‌ তুমি বেক্কুনে যে যার্‌ বংশত্‌ আর পরিবারর্‌ সোম্বোত্তিত্‌ ফিরি যেবা।

মথি লেখ্যে গম্ হবর্ 15:8

এ মানুচ্চুনে মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়।