যিরমিয় 34:10 - Chakma Bible

¹⁰ সেনত্তে বেক্ রাজার চাগরুনে আর মানুচ্চুনে এ সুদোমান মানিনে তারার চাগর্ আর চাগরানিগুনোরে উদ্ধোর্ গুরি দিবাত্তে রাজী অলাক্ আর তারারে আর চাগর্ গুরি ন-রাগেবাক্ বিলিনে ঠিগ্ গুরিলাক্। সেক্কে তারা তারার চাগরুনোরে উদ্ধোর্ গুরি দিলাক্।

যিরমিয় 34:10 ပူးပေါင်းရင်းမြစ်များ

যাত্রা 21:2

চাগর্‌ ইজেবে যুনি কনঅ‌ ইব্রীয় মান্‌জ্যরে তুমি কিনি নেযঅ‌, সালে ছয় বজর্‌ সং তে তমার অধীনোত্‌ থেইনে কাম্‌ গুরিবো, মাত্তর্‌ সাত্‌ বজর বিদি গেলে তাত্তুন্‌ কিজু নেযেইনে এম্‌নে তারে ইরি দিয়্যে পড়িবো।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিরমিয় 26:10

যিহূদার রাজকর্মচারীগুনে এ কধানি শুনিনে রাজঘরত্তুন্ লগেপ্রভুর ঘরত্ এলাক্ আর লগেপ্রভুর ঘরর নূয়ো গেদোত্ সুমিবার পথ্‌তানত্ বুজিলাক্।

যিরমিয় 26:16

সেক্কে রাজকর্মচারীগুনে আর বেক মানুচ্চুনে ধর্মগুরু আর ভাববাদীগুনোরে কলাক্, “এ মানুচ্চো মরণর সাজা পেবার যগাজ্যে নয়। তে আমার গোজেন লগেপ্রভুর নাঙে আমা ইধু কধা কোইয়্যে।”

যিরমিয় 34:11

মাত্তর্ পরেদি তারা মনান্ বুদুলি ফেলেলাক্ আর যিদুক্কুন চাগর্ আর চাগরানীরে তারা উদ্ধোর্ গুরিলাক্ তারারে ফিরেই আনিনে আরঅ চাগর্ বানেলাক্।

যিরমিয় 36:12

সেক্কে তে রাজঘর ভিদিরে লিগিয়্যেবোর ঘুদিবোত্ গেলঅ; সিদু বেক রাজার কামগুরিয়্যেগুন, অত্তাৎ লিগিয়্যে ইলীশামা, শময়িয়র পুয়ো দলায়, অক্‌বোরর পুয়ো ইল্‌নাথন, শাফনর পুয়ো গমরিয়, হনানিয়র পুয়ো সিদিকিয় আর অন্য বেক্ রাজার কামগুরিয়্যেগুন বুয়োই এলাক্।

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

লেবীয় 25:10

এ পঞ্চাশ বজরর্‌ বজর্‌বোত্‌ লগেপ্রভুর নাঙে যুদো গুরি নেযেয়ে দেজর্‌ বেক্‌ মানুচ্চুনো ইদু উদ্ধোর্ ফগদাঙ্‌ গরা পুরিবো। তমাত্তেই এই বজরবো অবঅ ফিরি পেইয়ে বজর। এ বজরত্‌ তুমি বেক্কুনে যে যার্‌ বংশত্‌ আর পরিবারর্‌ সোম্বোত্তিত্‌ ফিরি যেবা।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।