যিরমিয় 34:1 - Chakma Bible

^1-2 বাবিলর রাজা নবূখদ্‌নিৎসর, তার বেক্ সৈন্যদলুন আর তা অধীনোত্ বেক্ রেজ্যগানি আর জাদর্ মানুচ্চুনে যেক্কে যিরূশালেত্ আর তার কায়-কুরে শঅরানির বিরুদ্ধে যুদ্ধো গোজ্যন্ সেক্কে ইস্রায়েলর গোজেন লগেপ্রভু যিরমিয়রে কলঅ যেন তে যিহূদার রাজা সিদিকিয় ইধু যেইনে কয়, মুই লগেপ্রভু এ কধাগান কঙর্, মুই এ শঅরান বাবিলো রাজার আঢত্ তুলি দিবাত্তে যাঙর্ আর তে ইয়েন পড়ি দিবঅ।

যিরমিয় 34:1 ပူးပေါင်းရင်းမြစ်များ

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 32:1

যিহূদার রাজা সিদিকিয়র রাজাগিরির দশ বজরত্, অত্তাৎ নবূখদ্‌নিৎসরর রাজাগিরির্ আদার বজরত্ লগেপ্রভুর কধানি যিরমিয় ইধু ফগদাং ওইয়্যে।

যিরমিয় 32:2

বাবিলোত্ রাজার সৈন্যদলুনে সেক্কে যিরূশালেমান ঘিজ্যন্ আর যিরমিয় যিহূদার রাজঘরর্ চুগিদারুনো উদোনত্ বন্দী এলাক্। তে সিয়েনত্ এলঅ,

যিরমিয় 34:7

সে অক্তত্ বাবিল রাজার সৈন্যগুনে যিরূশালেমত্, লাখীশোত আর অসেকার বিরুদ্ধে যুদ্ধো গোজ্যন্, কিত্তে যিহূদা দেজ ভিদিরে বানা এ দেবাল্-ঘিজ্যে শঅরানি গজক্ গুরি নিবাত্তে তারার বাগি এলঅ।

দানিয়েল 4:1

পরেদি রাজা নবূখদ্‌‌‌‌সরে জগদর্ বেক জাদ ইধু, দেজর্ আর ভাষার মানুচ্চুনো ইধু এ হবরান্ পাদেল: তমার ভালেদি ওক্।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 5:19

তারে সেই খেমতা দিইনে বেক্ জাদ্‌‌‌তুনোর্, দেজর আর ভাষার মানুচ্চুনে তা মুজুঙোত্ দরে গির্‌গিরেদাক। তে যিবেরে আওজ্ তারে মারে ফেলেদ, যিবেরে আওজ্ তারে জেদা রাগেদ, যিবেরে আওজ্ তারে দাঙর্ পধত্ তুলিদো আর যিবেরে আওজ্ তারে তলেদি লামেই দিদো।‌‌