যিরমিয় 33:9 - Chakma Bible

⁹ সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 33:9 ပူးပေါင်းရင်းမြစ်များ

২ বংশধর 20:29

ইস্রায়েল শত্রুগুনোর্‌ বিরুদ্ধে লগেপ্রভু কেধোক্ক্যেন গুরিনে যুদ্ধো গোজ্যে সে কধাগান্‌ শুনিনে অন্য দেজর্‌ বেক্‌ মানুচ্চুনো উগুরে লগেপ্রভুর্ পৌইদ্যেনে এক্কান্‌ দর ভাব্‌ লামি এলঅ।

নহিমিয় 6:16

আমা বেক্‌ শত্রুগুনে যেক্কে এ কধাগান শুনিলাক্‌ আর কায়-কুরে বেক্‌ জাদ্‌তুনে সিয়েন্‌ দেগিলাক্‌ সেক্কে আমা শত্রুগুনে সাহস আরেলাক্‌, কিত্যে তারা বুঝিলাক্‌, এ কামান্‌ আমা গোজেনর বল্লোই গরা ওইয়্যে।

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 60:5

সিয়েনি দেগিনে তুই হুজিয়ে ফোত্‌পোত্যে অবে, হুজিয়্যে তঅ বুগ্‌কো ফুলি উদিবো; সাগর ধন সোম্বোত্তিগানি তইদু আনা অবঅ, জাদ্‌তুনোর ধন-সোম্বোত্তিগানি তইদু আনিবাক্।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 64:2

আগুনানে যেধোক্ক্যেন ডেলাগুনোরে জ্বালায় আর পানি সিজাইদ্যে সেধোক্ক্যেন তুই লামি এইনে তঅ শত্রুগুনো ইদু নিজোরে ফগদাং গর্, যেন জাদ্‌‌তুনে তঅ মুজুঙোত্ দরে গির্‌‌গিরেন।

যিরমিয় 13:11

মান্‌জ্যে কমরত্ যেবাবোত্যেগুরি জাংগি পিনোন্ সেবাবোত্যেগুরি মুই গোদা ইস্রায়েল আর যিহূদার বেক মানুচ্চুনোরে মঅ সমারে এগত্তর গোজ্যং, যেনে তারা মর্ সুনাঙ্, বাঈনী আর সর্মানত্তে মঅ মানুচ্ অন, মাত্তর্ তারা মঅ কধা ন-শুনোন্।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 29:1

বন্দীগুনো ভিদিরে বাঁজি থেইয়্যে বুড়ো নেতাগুনোরে, ধর্মগুরুগুনোরে আর ভাববাদীগুনোরে আর অন্য যিদুক্কুন মান্‌‍জ্যরে নবূখদ্‌নিৎসরে যিরূশালেমত্তুন্ বন্দী গুরিনে বাবিলোত্ নেযেয়্যে তারা ইধু ভাববাদী যিরমিয় যিরূশালেমত্তুন এক্কান চিদি পাদেয়্যে।

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

যিরমিয় 31:14

বেক্কানি বেশ্ গুরি দিইনে মুই ধর্মগুরুগুনোরে পুরেই দিম, আর মঅ মানুচ্চুনে মর্ আশীদ্‌বাদে হুজি অবাক্। মুই লগেপ্রভু এ কধাগান কঙর্।”

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 32:42

“মুই এ মানুচ্চুনো উগুরে যেবাবোত্যে এ দাঙর্ দযাগানি আন্যং সেবাবোত্যে তারা ইধু মর্ এগেম্ গোজ্যে বেক্ ভালেদিগানি মুই তারারে দান গুরিম।

যিরমিয় 33:14

লগেপ্রভু কোইয়্যেদে, “ইস্রায়েল আর যিহূদার মানুচ্চুনোরে মুই যে ভালেদির্ এগেম্ গোজ্যং সময় এজের্ যেক্কে মুই সিয়েনি পূরোণ গুরিম।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 49:25

সেই নাঙ্‌‍‍‌‌‌‌‌‌গোজ্যে শঅরান্, যে শঅরানরে নিইনে মুই হুজি অদুং, কিত্তে মানুচ্চুনে সিয়েন ছাড়িনে ন-যান?

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 36:35

তারা কবাক্, এ দেজ্‌‌চান আঘে ভস্ত ওই পড়ি এলঅ, মাত্তর্ ইক্কিনে সিয়েন এদন বাগান ধোক্ক্যেন ওইয়্যে; তার শঅরানি ভস্ত, মানুচ্ নেইয়্যে আর ভাংগাচুরো ওই পোজ্যে এলঅ, মাত্তর্ ইক্কিনে সিয়েনি দেবাল-ঘিজ্যে আর বজত্তি গুরিবার জাগা ওইয়্যে।

যিহিষ্কেল 39:13

দেজর্ বেক মানুচ্চুনে তারারে গোর্ দিবাক। এবাবোত্যেগুরি মর্ মহিমাগান্ ফগদাং গুরিবার দিনোত্ তারার সুনাঙান্ ছিদি পড়িবো।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

সখরিয় 1:17

মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”

সখরিয় 12:2

মুই যিরূশালেমানরে এমন এক্কো মদ পিলে বানেম্ যিবেত্তুন্ হেইনে কায়-কুরে বেক্ জাদ্‌‌‌‌‌তুনে ঢুলিবাক্। যিরূশালেম সমারে যিহূদার অন্য শঅরানিরেয়ো ঘিরে অবঅ।

দ্বি’লম্বর বিররণ 30:5

তমার পুরোণি মানুচ্চুনোর দেজত্‌ তে তমারে ফিরেই আনিবো আর তুমি সিয়েন আরঅ গজক্ গুরিবা। তে তমারে বোউত্‌ ভালেদি গুরিবো আর তমার পুরোণি মানেইয়ুনোত্তুনঅ তমার মান্‌জ্যর সোংখ্যেগুন বাড়েই দিবো।