যিরমিয় 33:21 - Chakma Bible

²¹ সালে মর্ চাগর দায়ূদোত্তে আর মঅ মুজুঙোত্ থিয়্যেইনে যিগুনে সেবা-কাম গরন সেই লেবীয় ধর্মগুরুগুনোত্তে মুই যে সুদোমান থিদেবর্ গোজ্যং সিয়েন্‌অ ভাঙা যেবঅ আর দায়ূদোর সিংহাসনত্ বুজিনে রাজাগিরি গুরিবাত্তে তার কনঅ বংশধর ন-থেবাক্।

যিরমিয় 33:21 ပူးပေါင်းရင်းမြစ်များ

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

২ বংশধর 21:7

তো লগেপ্রভু দায়ূদোত্তে যে সুদোমান্‌ থিদেবর্ গোজ্যে সেনত্তে তা বংশবোরে তে ভস্ত গুরিবাত্তে ন-চেলঅ। তে দায়ূদ আর তার্‌ বংশধরুনোরে উমরত্তে এক্কো চেরাগ্‌ দিবো বিলিনে এগেম্ গোজ্যে।

২ বংশধর 7:18

সালে মুই তর্‌ রাজসিংহাসনান্‌ থিদেবর্ গুরিম্‌, কিত্তে মুই তঅ বাব দায়ূদোর ইদু শমক্‌ খেইনে কোইয়োং, ইস্রায়েল উগুরে শাজন্ গুরিবাত্তে তঅ বংশত্‌ মান্‌জ্যর অভাব ন-অবঅ।

গীতসংহিতা 132:17

মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

গীতসংহিতা 89:36

তা বংশবো উমরত্যে থেবঅ; তা সিংহাসনান্ মঅ মুজুঙোত্ বেলান ধোক্ক্যেন টিগি থেবঅ।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 33:18

মঅ মুজুঙোত্ থিয়্যেইনে নিত্য পুজ্যে-উৎসর্বর, শোস্য-উৎসর্বর আর এ্যামান-উৎসর্বর অনুষ্ঠান গুরিবাত্তে লেবীয় ধর্মগুরুগুনো ভিদিরেয়ো মান্‌জ্যর অভাব ন-অবঅ‍।”‍‍‍

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”