যিরমিয় 33:15 - Chakma Bible

¹⁵ সে দিনুনোত্ আর সে সময়োত্ মুই দায়ূদোর বংশত্তুন্ এক্কো ভালেদির্ চারা উদিবাত্তে দিম্; যিবে ন্যায় আর গম্ তে দেজ ভিদিরে সিয়েনই গুরিবো।

যিরমিয় 33:15 ပူးပေါင်းရင်းမြစ်များ

গীতসংহিতা 45:4

সত্য, নম্রতা আর ন্যায়র পক্ষে তুই নিজোর মহিমালোই বিজয়ি ধোক্ক্যেন্ যাত্রা গর্; তর্ ডেন্ আঢ্‌‌তানে দর্‌‌বুক্-লাগাইদে ধোক্ক্যেন দাঙর্ দাঙর্ কাম গোরোক্।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

যিশাইয় 53:2

তে তা মুজুঙোত্ নরম চারা ধোক্ক্যেন, শুগুনো মাঢিত্ লাগেয়্যে গাজ ধোক্ক্যেন দাঙর্ অলঅ। তার এ ধোক্ক্যেন দোল্ বা সয়সাগজ্যে নেই যে, তান্দি আমি ফিরি চেই; তা চেঙারাগান এমন্ দোল্ নয় যে, আমারে আকর্ষন গুরি পারে।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 17:25

সালে তমা রাজাগুনে দায়ূদোর সিংহাসনত্ বুজিনে রাজাগিরি গুরিবাক্। তারা, তারার কামগুরিয়্যেগুনে আর যিহূদার মানুচ্চুনে আর যিরূশালেমর আদাম্মেগুনে রথত্ আর ঘোড়াত্ চড়িনে শঅর গেট্‌তোদি এযানা-যানা গুরিবাক্; এ শঅরান কনদিন্‌‌অ মানুচ্ নেইয়্যে ন-অবঅ।

যিরমিয় 30:9

সিয়েনর বদলে তারা তারার গোজেন লগেপ্রভুর আর তারার রাজা দায়ূদোর এক্কো বংশধররে সেবা গুরিবাক্ যিবেরে মুই তারার রাজা বানেম।

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।