যিরমিয় 33:13 - Chakma Bible

¹³ অজল্ আর নিজো মুড়োমুড়ি চাগালার বেক্ আদাম আর শঅরত্, বিন্যামীন চাগালাত, যিরূশালেমর চেরোকিত্তে চাগালাত্ আর যিহূদার আর নেগেভর বেক্ আদামানি আর শঅরত্ যিগুনে ভেড়াগুনোর সংখ্যেগুন গুণোন তারার আঢ তলেদি আরঅ ভেড়া পালুন যানা-এযানা গুরিবাক্। মুই লগেপ্রভু এ কধাগান কঙর্।”

যিরমিয় 33:13 ပူးပေါင်းရင်းမြစ်များ

যিরমিয় 17:26

যিহূদার শঅরানি আর যিরূশালেমর কায়-কুরে আদামানিত্তুন বিন্যামীন চাগালা আর অজল্ নিজো মুড়োমুড়ি চাগালাত্তুন আর নেগেভত্তুন মানুচ্চুনে এবাক্ আর লগেপ্রভুর ঘরত্ পুজ্যে-উৎসর্ব, এ্যামান- উৎসর্ব, শোস্য-উৎসর্ব, আগর্‌বাট্টি আর ভালেদি উৎসর্বর জিনিস আনিবাক্।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 32:15

কিত্তে এ দেজত্ ঘর-বাড়ি, জাগা-জোমিন আর আংগুর খেত্ আরঅ বেজা-কিনে চলিবো। মুই ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কঙর্।

যিরমিয় 32:44

বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

যিহিষ্কেল 20:37

মঅ লুদিক্কো তলেদি তমাত্তুন যাহ্ পুরিবো; মর্ সুদোমর্ দুড়িগান্দোই মুই তমারে বানিম।

লেবীয় 27:32

পত্তি য়েমানপালর্‌ দশ ভাগর এক ভাগ, অত্তাৎ গোরু চোড়েয়্যে লুদিক্কোর্‌ তলেন্দি যেইয়্যে পত্তি দশ লম্বর য়েমান্নো অবঅ লগেপ্রভুর নাঙে যুদো গুরি রাগেয়্যে।

ওবদিয় 1:20

বন্দীদজাত্ থেইয়্যে ইস্রায়েলীয়গুনোর্ দল্লো এইনে সারিফৎ সং কনানীয়গুনোর্ দেজ্‌‌‌চান গজক্ গুরি নিবাক্; বন্দীদজাত্ থেইয়্যে যিরূশালেমর যে মানুচ্চুনে সফারদত্ আগন্ তারা এইনে নেগেভর আদামানি গজক্ গুরিবাক।

লূকে লেখ্যে গম্ হবর্ 15:4

মনে গর্ তর্ একশত্ ভেড়া আঘন্ সিত্তুন্ এক্কো আঝি গেলঅ, তুই কি মনে গরচ্? তর্ আর নিরেনব্বইবো মাধত্ ইরি দিইনে সেই এক্কোরে তোগেইনে ন-পানা সং সিবেরে ন-তগাচ্?