যিরমিয় 33:10 - Chakma Bible

^10-11 “তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 33:10 ပူးပေါင်းရင်းမြစ်များ

গীতসংহিতা 147:13

তেয়ই দঅ তঅ গেট্‌তুনোর লাগাড়াগুন দরমর গোজ্যে, তঅ জাগা ভিদিরে বজত্তি গোজ্যে মানুচ্চুনোরে বর্ দিয়্যে।

গীতসংহিতা 85:7

ও লগেপ্রভু, তর্ অমকদ কোচ্‌পানা তুই আমারে দেগা আর আমারে উদ্ধোর গর্।

যিরমিয় 26:9

কিত্তে তুই লগেপ্রভুর নাঙান্দোই এ আগাম্ কধাগান গরর্, এ ঘরান শীলো ধোক্ক্যেন অবঅ আর এ শঅরান ভস্ত আর মানুচ্ নেইয়্যে অবঅ?” ইয়েন কোইনে বেক মানুচ্চুনে লগেপ্রভুর ঘরত্ যিরমিয়রে ঘিরি ধুরিলাক্।

যিরমিয় 32:36

তুমি এ শঅরানর পৌইদ্যেনে কত্তে, যুদ্ধো, ভাদরাত্ আর ভানা দিইনে ইয়েন বাবিল রাজার আঢত্ তুলি দিয়্যে ওইয়্যে; মাত্তর্ মুই ইস্রায়েলর গোজেন লগেপ্রভু কঙর্,

যিরমিয় 32:43

যে দেজ্‌‌চান পৌইদ্যেনে তুমি কধা, ‘ইয়েন এক্কান উগুজ্যে ভুই, ইয়েনত্ মানুচ্ বা য়েমান কিচ্চু নেই, কিত্তে ইয়েন বাবিলীয়গুনো আঢত্ তুলি দিয়্যে ওইয়্যে,’ সে দেজত্ আরঅ ভূই বেজা-কিনে অবঅ।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

লেবীয় 26:32

মুই তমার দেজ্‌চান্‌ এমনগুরি ভস্ত অবস্থাত্‌ ফেলেই রাগেম যিয়েন দেগিনেই তমার শত্রু-আদাম্মেগুনেয়ো আমক্‌ ওই উদিবাক্।

হগয় 1:4

ইয়েন কি ঠিগ্ অর্, তুমি নিজে আড়ুগো কাম গোজ্যে ঘরত্ আঘ আর মঅ ঘরান্ ভস্ত ওইয়্যে কুড়্ ওই পড়ি আঘে?