যিরমিয় 32:44 - Chakma Bible

⁴⁴ বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

যিরমিয় 32:44 ပူးပေါင်းရင်းမြစ်များ

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিরমিয় 13:19

নেগেভর শঅরানির চোমেবার পথ্‌তানি নাঢি দিয়্যে অবঅ আর কনজনে সিয়েনত্ চোমেই ন-পারিবো। যিহূদার বেক্ মানুচ্চুনোরে বন্দী গুরি নেযা অবঅ, এক্কুবারে বেক্কুনোরে নেযা অবঅ।‌‍‍‍। ”

যিরমিয় 17:26

যিহূদার শঅরানি আর যিরূশালেমর কায়-কুরে আদামানিত্তুন বিন্যামীন চাগালা আর অজল্ নিজো মুড়োমুড়ি চাগালাত্তুন আর নেগেভত্তুন মানুচ্চুনে এবাক্ আর লগেপ্রভুর ঘরত্ পুজ্যে-উৎসর্ব, এ্যামান- উৎসর্ব, শোস্য-উৎসর্ব, আগর্‌বাট্টি আর ভালেদি উৎসর্বর জিনিস আনিবাক্।

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 31:23

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

যিরমিয় 32:10

মুই দলিলোত্ সই দিলুং, সীলমহ্‌র মারিলুং আর সাক্ষী রাগেলুং আর পাল্লালোই সেই রূবোগান মাবি দিলুং।‌

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 33:13

অজল্ আর নিজো মুড়োমুড়ি চাগালার বেক্ আদাম আর শঅরত্, বিন্যামীন চাগালাত, যিরূশালেমর চেরোকিত্তে চাগালাত্ আর যিহূদার আর নেগেভর বেক্ আদামানি আর শঅরত্ যিগুনে ভেড়াগুনোর সংখ্যেগুন গুণোন তারার আঢ তলেদি আরঅ ভেড়া পালুন যানা-এযানা গুরিবাক্। মুই লগেপ্রভু এ কধাগান কঙর্।”

যিরমিয় 33:26

সেবাবোত্যে যাকোব আর মর্ চাগর দায়ূদোর বংশধরুনোত্তে মর্ সুদোমান ঠিগ্ থেবঅ আর অব্রাহাম, ইস্‌হাক আর যাকোবর বংশধরুনো উগুরে রাজাগিরি গুরিবাত্তে মুই দায়ূদোর বংশধরুনোরে এলাফেলা ন-গুরিম। মুই হামাক্কায় তারার অবস্থাগান ফিরেম আর তারা উগুরে মেয়্যে গুরিম।”

যিরমিয় 33:7

মুই যিহূদা আর ইস্রায়েলর মানুচ্চুনোরে বন্দীদজাত্তুন্ ফিরেই আনিম আর তারা দেজ্‌‌চান আগ ধোক্ক্যেন তুলি দিম।

ওবদিয় 1:19

নেগেভত্ থেইয়্যে ইস্রায়েলীয়গুনে এষৌর মুড়োগুন গজক্ গুরি নিবাক্ আর তলেদি মুড়ো চাগালার্ মানুচ্চুনে পলেষ্টীয়গুনোর্ দেজ্‌‌‌চান গজক্ গুরিবাক্। তারা ইফ্রয়িম আর শমরিয়ার্ জাগায়ানি গজক্ গুরিবাক্ আর বিন্যামীন গিলিয়দ চাগালাগান গজক্ গুরিবাক্।

ওবদিয় 1:20

বন্দীদজাত্ থেইয়্যে ইস্রায়েলীয়গুনোর্ দল্লো এইনে সারিফৎ সং কনানীয়গুনোর্ দেজ্‌‌‌চান গজক্ গুরি নিবাক্; বন্দীদজাত্ থেইয়্যে যিরূশালেমর যে মানুচ্চুনে সফারদত্ আগন্ তারা এইনে নেগেভর আদামানি গজক্ গুরিবাক।

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”