যিরমিয় 32:25 - Chakma Bible

²⁵ মাত্তর্ ও প্রভু লগেপ্রভু, যুনিয়ো শঅরান বাবিলীয়গুনো আঢত্ যেবঅ তো তুই মরে কোইয়োচ্, মুই যেন রূবোলোই ভূইয়ান কিনোং আর সে কামর্ সাক্ষী রাগাং।’ ”

যিরমিয় 32:25 ပူးပေါင်းရင်းမြစ်များ

গীতসংহিতা 77:19

সাগর ভিদিরেন্দি তুই পথ গুরি দিলে, গভিন পানি ভিদিরেন্দি তুই পথ গুরি দিলে, মাত্তর্ তর্ টেঙর মাজারা দেগা ন-যায়।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 32:15

কিত্তে এ দেজত্ ঘর-বাড়ি, জাগা-জোমিন আর আংগুর খেত্ আরঅ বেজা-কিনে চলিবো। মুই ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কঙর্।

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 32:26

পরেদি লগেপ্রভুর এ কধাগান যিরমিয় ইধু ফগদাং অলঅ,

যিরমিয় 32:43

যে দেজ্‌‌চান পৌইদ্যেনে তুমি কধা, ‘ইয়েন এক্কান উগুজ্যে ভুই, ইয়েনত্ মানুচ্ বা য়েমান কিচ্চু নেই, কিত্তে ইয়েন বাবিলীয়গুনো আঢত্ তুলি দিয়্যে ওইয়্যে,’ সে দেজত্ আরঅ ভূই বেজা-কিনে অবঅ।

যিরমিয় 32:8

সেক্কে লগেপ্রভুর উগুম মজিম মঅ কাক্কার পুয়ো হনমেলে চুগিদারুনোর উদোনত্ মইধু এইনে কলঅ, বিন্যামীন বামর্ অনাথোদে মর্ যে ভূইয়ান আঘে সিয়েন তুই কিন্। ইয়েন উদ্ধোর্ গুরিবার আর গজক্ গুরিবার অধিকার যেক্কে তর্ সেক্কে তুয়ই সিয়েন নিজোত্তে কিন্। মুই হবর্ পেদুং ইয়েন লগেপ্রভুর কধা;

যিরমিয় 34:17

সেনত্তে মুই কঙর্, তুমি মর্ বাধ্য ন-অ, কিত্তে তমা জাদ্ ভেইয়ুনোত্তে তুমি উদ্ধোর্ অনা ফগদাং ন-গরঅ। সেনত্তে মুই ইক্কিনে তমাত্তে উদ্ধোর্ অনা ফগদাং গরঙর্; সেই উদ্ধোরান্ অলঅ যুদ্ধো, ভানা আর ভাদরাদর্ আঢত্ পড়িবার উদ্ধোর্। মুই তমা অবস্থাগানি এবাবোত্যে গুরিম যিয়েন দেগিনে পিত্‌‍থিমীর বেক্ রেজ্যর মানুচ্চুনে দরে কিয়্যে জাগেরে উদিবাক্।‍

যোহন 13:7

যীশু জোব্ দিলো, “মুই যিয়েন্ গরঙর্ সিয়েন্ তুই ইক্কে বুঝি ন-পারর্ মাত্তর্ যেরেদি বুঝি পারিবে।”