যিরমিয় 31:8 - Chakma Bible

⁸ চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 31:8 ပူးပေါင်းရင်းမြစ်များ

গীতসংহিতা 107:3

তে অন্য দেজত্তুন্ তারারে এক জাগাত্ আন্যে, আন্যে পূগ-পোজিমেত্তুন্ আর উত্তোর-দোগিনেত্তুন্।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 98:3

ইস্রায়েল জাদ্‌তুনোত্যে তার অমকদ কোচ্‌পানা আর বিশ্বেজর কধা তে মনত্ রাগেয়্যে; আমা গোজেন উদ্ধোরর্ কামানি পিত্‌থিমীর বেক মানুচ্চুনে দেখ্যন্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিরমিয় 16:15

বরং তারা কবাক্, যিবে উত্তর দেজত্ আর অন্য দেজত্ ইস্রায়েলীয়গুনোরে দূর্ গুরি দিয়্যে আর সিয়েনত্তুন নিগিলেই আন্যে সেই জেদা লগেপ্রভুর নাঙে। তারা এ কধাগান কবাক্, কিত্তে যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম।‍‌‍

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 3:12

তুই যেইনে এ হবরানি উত্তোরেদি মু গুরিনে ফগদাং গর্: মুই লগেপ্রভু কঙর্, ও ভান্ন্যেই পধেদি যেইয়্যে ইস্রায়েল, ফিরি আয়। মুই আর তঅ ইন্দি রাগ্ গুরিনে ন-থেম্; মুই দোয়্যেবলা, সেনত্তে জিংকানিবর্ রাগ্ মনত্ ন-রাগেম।

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিহিষ্কেল 20:34

মর্ খেমতাবলা আঢ্‌‌‌তানি বাবেইনে রাগে নানান্ জাদ ভিদিরেত্তুন্ মুই তমারে আনিম আর যেদক্কানি দেজত্ তমারে ছিদি দিয়্যে ওইয়্যে সিয়েনিত্তুন্ তমারে এগত্তর্ গুরিম।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 34:13

মুই নানান্ জাদ আর দেজ ভিদিরেত্তুন্ তারারে নিগিলেই আনিম আর তারার্ নিজো দেজত্ তারারে এগত্তর্ গুরিম। ইস্রায়েলর্ মুড়ো-মুড়ি উগুরে, গাঙ পারত্ আর দেজর্ বেক বজত্তি গুরিবার জাগায়ানিত্ মুই তারারে চোরেম্।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

মীখা 4:6

লগেপ্রভু কত্তে, “সেদিন্যে মুই আদুরুনোরে এগত্তর্ গুরিম; যিগুনে বন্দী ওইনে অন্য দেজত্ আগন্, যিগুনোরে মুই দুঘ্ দুয়োং তারারে মুই এক্কান জাগাত্ তুবেম্।

সফনিয় 3:19

যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

যোহন 21:15

তারার্ হানা থুম্ অলে পরেদি যীশু শিমোন-পিতররে কলঅ, “যোহনর্ পুয়ো শিমোন, ইগুনোত্তুন্-অ কি তুই মরে বেশ্ কোচ্‌পাচ্?” শিমোন-পিতরে তারে কলঅ, “অয়, প্রভু, তুই হবর্ পাজ্ তুই মর্ কদক্ পরাণর্।” যীশু তারে কলঅ, “মর্ চিগোন-ভেড়া ছগুনোরে চরা।”

১ করিন্হীয় 8:10

তর্ দঅ জ্ঞান আঘে, মাত্তর্ যিবের্ বিবেক নরম তে যুনি তরে দেবেদা মন্দিরোত্ বৈইনে হাদে দেগে সালে তেয়ো কি মূত্তি ইধু উৎসর্ব-গোজ্জ্যে হানা হেবাত্তে উচ্চোমি ন-পেবঅ?

দ্বি’লম্বর বিররণ 30:4

আগাজর্‌ শেজ্‌ দুঝিতঅ যুনি তমারে ফেলেই দিয়্যে অয় সিয়েনত্তুনঅ তমারে গোজেন লগেপ্রভু তমারে তোগেই আনিবো।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।