যিরমিয় 31:37 - Chakma Bible

³⁷ যুনি উগুরে আগাজ্‌চানরে মাবা যায় আর তলেদি পিত্‌থিমীর খুদোবো তোগেইনে পাহ্ যায় সালেন্ ইস্রায়েলীয়গুনে যিয়েনি গোজ্যন সিয়েনিত্তে মুই তারারে এলাফেলা গুরি পারং। মুই লগেপ্রভু এ কধাগান কঙর্‍।” ‍‍‍‍‍‍‍‍‍‍‍‍‍‍‍‍‍‍‍‍‍‍‍

যিরমিয় 31:37 ပူးပေါင်းရင်းမြစ်များ

ইয়োব 38:18

পিত্‌থিমীগান কত্তমান দাঙর্ সিয়েন কি তুই আন্দাজ্ গুরি পাজ্যস্? যুনি তুই ইয়েনি হবর্ পাচ্ সালে কঅ।

গীতসংহিতা 89:2

মুই ফগদাং গুরিম, তর্ কোচ্‌পানার কামানি জিংকানিবর্ ধুরিনে বাড়ের্; তর্ বিশ্বেজ্‌ছান স্বর্গত্ তুই থিদেবর্ গোজ্যস্।

গম্ উপদেজ্ 30:4

কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিশাইয় 54:9

“মইদু ইয়েন নোহর দিনুনো ধোক্ক্যেন লাগের্। মুই যেবাবোত্যে শমক্ হেইয়োং, নোহ সময়োত্ পানি ধোক্ক্যেন পানি আর কনদিন্অ পিত্‌থিমীগান নাঢি ন-ফেলেব, সেবাবোত্যেগুরি এ শমক্তান্ গোজ্যং, তঅ উগুরে রাগ্ ন-গুরিম, তরে আর কনদিন্অ গেইল্ ন-দিম। ‍‌

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”