যিরমিয় 31:31 - Chakma Bible

³¹ লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদার মানুচ্চুনোত্তে এক্কান নূয়ো সুদোম্ থিদেবর্ গুরিম।

যিরমিয় 31:31 ပူးပေါင်းရင်းမြစ်များ

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 31:27

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদা দেজর্ মানুচ্চুনোরে আর এ্যামানুনোরে চারা ধোক্ক্যেন লাগেই দিম।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

আমোষ 9:13

লগেপ্রভু আর কত্তে, “সে দিনুন্ এজের্ যেক্কে এদক্ শোজ্য জোর্মেবাক্ যে, সিগুন বেক্কুন কাবিবার আগে আরঅ চাষ গুরিবার সময় এবঅ আর এদক্ আংগুর অবাক্ যে, সিগুন বেক্কুন মাড়িবার আগেদি আরঅ ফসল লাগেবার সময় এবঅ। দাঙর্ দাঙর্ মুড়োগুনোত্তুন্ বোউত্ নূয়ো আংগুর-রস পাহ্ যেবঅ আর সিগুনে বেক চিগোন্ চিগোন্ মুড়োগুনোরে যেন ধোইনে নেযেব।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মার্ক 14:24

সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

১ করিন্হীয় 11:25

হানা অলে পরেদি সেবাবোত্যেগুরি তে গলচ্চো লোইনে কোইয়্যেদে, “মর্ লো-গান্দোই গোজেনর্ যে নুয়ো সুদোম্ অাগঅ ধোক্ক্যেন গরা অবঅ সেই সুদোমর্ চিহ্নো অলঅ এই গলচ্চো। তুমি যেদকবার্ ইবেত্তুন্ হেবা মরে মনত্ রাগেবাত্তে এবাবোত্যে গরঅ।”

২ করিন্হীয় 3:6

এক্কান নুয়ো বেবস্থার্ কধা জানিবাত্যে তেয়ই আমারে যোগাজ্জ্যে গুরি তুল্ল্যে। এ বেবস্থাগান্ অক্ষরে অক্ষরে আইন-কানুন্ পালানার্ বেপার নয়, মাত্তর্ পবিত্র আত্মার পরিচালনায় মনর্ বাধ্যতার্ বেপার; কিয়া আইন-কানুনে মরণ আনে, মাত্তর্ পবিত্র আত্মাগানে জিংকানি দান গরে।

গালাতীয় 6:16

যিগুনে এ সুদোমত্ চলন্ তারার্, অত্তাৎ গোজেনর্ আজল্ ইস্রায়েলীয়গুনোরে তে শান্তি আর দোয়্যে দান গোরোক্।

দ্বি’লম্বর বিররণ 29:14

আমার গোজেন লগেপ্রভুর মুজুঙোত্‌ এইনে এচ্চ্যে যিগুনে থিয়্যেইয়োন্‌ বানা তারাত্যেই যে মুই ঘেচ্চ্যেকগুরি শমক্‌ গোজ্যং এ ‍সুদোমর্ কধাগান ফগদাং গরঙর্‌ সিয়েন নয়, মাত্তর্‌ যিগুনোর্ এজঅ জর্ম ন-অয় তারাত্তেয়ো গরঙর্‌।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 7:12

যেক্কে ধর্মগুরুবোর্ পদ বদলানা অয় সেক্কে রীদি-সুদোমানিয়ো বদলানার্ দরকার অয়।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।