যিরমিয় 31:28 - Chakma Bible

²⁸ মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

যিরমিয় 31:28 ပူးပေါင်းရင်းမြစ်များ

ইয়োব 29:2

আহা, গোজেনে যেক্কে মরে দেগাশুনো গুরিদো সেই সময়োর্ মাস আর দিনুন্ যুনি মুই ফিরি পেদুং!

গীতসংহিতা 102:16

লগেপ্রভু আরঅ সিয়োনানরে বানেব, আর তে নিজোর মহিমালোই দেগা দিবো।

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 69:35

কিত্তেই গোজেনে সিয়োনানরে উদ্ধোর্ গুরিবো, যিহুদার শঅরানরে আরঅ বানেব; সেক্কেনে তা মানুচ্চুনে সিদু বজত্তি গুরিবাক্ আর সিয়েনর অধিকারি অবাক্।

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 1:12

লগেপ্রভু মরে কলদে, “তুই ঠিগই দেখ্যচ্, কিত্তে মঅ কধানি যেনে ফলে সিয়েনি মুই খিয়েল রাগেয়োং।”

যিরমিয় 24:6

মুই তারার ভালেদিত্তে তারা উগুরে খিয়েল্ রাগেম আর এ দেজত্ তারারে ফিরেই আনিম। মুই তারারে গড়েই তুলিম, ভাঙি ন-ফেলেম; মুই তারারে লাগেই দিম, তুলি ন-ফেলেম।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

যিরমিয় 32:42

“মুই এ মানুচ্চুনো উগুরে যেবাবোত্যে এ দাঙর্ দযাগানি আন্যং সেবাবোত্যে তারা ইধু মর্ এগেম্ গোজ্যে বেক্ ভালেদিগানি মুই তারারে দান গুরিম।

যিরমিয় 42:10

তুমি যুনি দেজত্ থাগঅ সালে মুই তমারে তুলিম, ভাঙি ন-ফেলেম; মুই তমারে লাগেই দিম্, উগুরে ন-ফেলেম, কিত্তে তমা উগুরে যে দজাগান আন্যং সিয়েনত্তে মুই মনত্ দুঘ্ পেইয়োং।

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

যিরমিয় 45:4

“লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

যিহিষ্কেল 19:12

মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

যিহিষ্কেল 36:10

মুই তমা উগুরে গোদা ইস্রায়েল জাদর্ মানুচ্চুন বাড়েই দিম। শঅরানিত্ মানুচ্ বজত্তি গুরিবাক্ আর ভস্ত ওইয়্যে জাগায়ানি আরঅ তুলো অবঅ।

দানিয়েল 9:14

সেনত্তে ও লগেপ্রভু, তুই দযা যুক্কোল্ গুরি রাগেয়োচ্ যেন সিয়েন ইক্কিনে আমা উগুরে পাধেই দি পারচ্, কিয়া আমা গোজেন লগেপ্রভু বেক্ কামানিত্ ন্যায়বলা; তো আমি তঅ কধা ন-শুনিই।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

সখরিয় 8:14

“মুই বেগত্তুন্ খেমতাবলা লগেপ্রভু কঙর্, তমা পূরোণি মানুচ্চুনে যেক্কে মরে অহুজি গোজ্যন্ সেক্কে মুই তারা উগুরে দযা আনিম্ বিলি ঠিগ্ গোজ্যং আর সিয়েন ঘোদেয়োংঅ।

সখরিয় 8:15

মাত্তর্ ইক্কিনে মুই আরঅ যিরূশালেম আর যিহূদার ভালেদি গুরিম বিলি ঠিগ্ গোজ্যং। তুমি ন-দোরেয়ো।

প্রেরিত্‌ 15:16

‘ইয়েনর পরেদি মুই এইনে দায়ূদোর পড়ি যেইয়্যে ঘরান্ আরঅ বানেম্। যিয়েন্ ভস্ত ওই যেইয়্যে সিয়েন আরঅ তুলিম্, আরঅ সিয়েন থিক্ গুরিম্;

দ্বি’লম্বর বিররণ 30:9

সেক্কে তমার গোজেন লগেপ্রভু বেক্কানিত্তুন তমারে ভালেদি গুরিবো। তে তমার কামত্‌ আশিদ্‌বাদ গুরিবো আর তমার পূঅগুনোর সোংখ্যে, য়েমানুনোর ছঅগুন আর ভুইয়োর ফলুন বাড়েই দিবো। তমার পুরোণি মানুচ্চুনো উগুরে তার যে ফুত্তি এলঅ তমা উগুরে আরঅ সেই ফুত্তিলোই তে তমারে ভালেদি গুরিবো-