যিরমিয় 30:6 - Chakma Bible

⁶ তুমি পুযোর্ গুরি চঅ, মরদে কি পেদত্ পুয়ো রাগেই পারে? সালে কিত্তে মুই পত্তি বোলী মরদরে পুয়ো পুদোনার পীড়ে ভোগ গোজ্যে মিলে ধোক্ক্যেন পেদ উগুরে আঢ্ রাগাদে আর বেক্কুনোর মুয়োনি মরা ধোক্ক্যে রাঙা-কালা মু দেগঙর্?

যিরমিয় 30:6 ပူးပေါင်းရင်းမြစ်များ

গীতসংহিতা 48:6

দরে সিয়েনত্ তারার গির্‌গিরেনি ধুরি যেইয়্যে আর পুয়ো ফুদোইদে মিলে ধোক্ক্যেন্ জালাপোড়া ওইয়্যে।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 29:22

সেনত্তে অব্রাহামর্ উদ্ধোর্‌গুরিয়্যে লগেপ্রভু যাকোব বংশ পৌইদ্যেনে কোইয়্যেদে, “যাকোবে আর্ লাজ্ ন-পেবঅ; তারার্ মুয়োনি আর্ কালাচদামু ন-অবঅ।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

যোয়েল 2:6

তারারে দেগিনে জাদ্‌‌তুনো মনত্ অমকদ যন্ত্রনা অর্; বেক্কুনো মুয়োনি রাঙা-কালা ওই যেইয়্যে।

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।