যিরমিয় 30:10 - Chakma Bible

¹⁰ “সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:10 ပူးပေါင်းရင်းမြစ်များ

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

যিশাইয় 14:3

ও ইস্রায়েল, লগেপ্রভু যেদিন্যে তরে সুলোনি, হাংগামা আর চিৎনপুজ্যে চাগর্ কাদানাত্তুন্ রেহাই দিবো সেদিন্যে তুই বাবিলো রাজার্ বিরুদ্ধে এবাবোত্যে গুরি ঠাট্টা গুরিনে কবে, একবুচ্চ্যে নেতাবো কিবাবোত্যেগুরি শেজ্ ওইয়্যে! তার দর্‌গরেপারা অত্যেচার আর্ নেই।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 44:1

লগেপ্রভু কত্তে, “ও মঅ চাগর্ যাকোব, মর্ বেঈ লোইয়্যে ইস্রায়েল, তুই ইক্কিনে শুন্।

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:25

মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিহিষ্কেল 16:52

তর্ অসর্মানান তত্তুন্ মানি নেযা পড়িবো, কিত্যে তর্ কামানিয়ে তঅ বোনুনোর তপ্পে সাক্ষি দের্। তর্ পাপ্পানি তারাত্তুন্‌অ বেশ্ জঘন্য বিলিনে মনে অয়। সেনত্তে তুই লাজেস্ আর তর্ অসর্মানান্ মানি নেযা, কিত্যে তুই তর্ বোনুনোরে ধার্মিক প্রমান গোজ্যস্।

যিহিষ্কেল 38:11

তুই কবে, তুই এমন এক্কান দেজ্ আক্রমন গুরিবে যে আদামানিত্ দেবাল্ নেই। তুই সুগে-শান্দিয়্যে আর নিচিদে থেইয়্যে মানুচ্চুনোরে আক্রমন গুরিবে যিগুনে দেবাল্, গেইত আর লাগাড়া নেইয়্যে গুরি বজত্তি গরন্।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

হোশেয় 6:11

ও যিহূদা, তত্তেয়ো খেত্-খেত্তি কাবিবার সময় ঠিগ্ গরা ওইয়্যে।

যোয়েল 2:21

ও দেজ্‌‌‌‌‌চান, ন-দোরেচ্; তুই হুজি অ, ফুত্তি গর্, কিত্যে লগেপ্রভু দাঙর্ দাঙর্ কাম গোজ্যে।

মীখা 4:9

কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?

সখরিয় 3:10

সেদিন্যে তুমি পত্তিজনে তমার্ আংগুর লুদি আর ডোমোর্ গাজ তলাত্ বুজিবাত্তে তমা পাড়াল্যেগুনোরে ভাত্ত্যেবা। মুই বেগত্তুন খেমতাবলা লগেপ্রভু এ কধাগান কঙর্।’ ”

যোহন 12:15

ও সিয়োন-ঝিবো, ন-দোরেচ্। রিনি চাহ্, তর্ রাজাবো গাধা ছঅ উগুরে চরিনে এজের্।