যিরমিয় 3:8 - Chakma Bible

⁸ ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 3:8 ပူးပေါင်းရင်းမြစ်များ

২ বংশধর 21:11

তে যিহূদার মুড়োগুনো উগুরে পূজোর্‌ অজল্‌ জাগায়ান্‌ বানেল আর তাত্তে যিরূশালেম মানুচ্চুনে বানেয়্যে মূত্তি পূজোবোত্‌ নিজোরে দিলাক্‌ আর যিহূদার মানুচ্চুনে অন্য পধেদি গেলাক্‌।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 33:24

“মানুচ্চুনে যিয়েন কদন, ‘লগেপ্রভু ইস্রায়েল আর যিহূদার মানুচ্চুনোরে বেঈ নেযেয়্যে, মাত্তর্ ইক্কিনে তারারে এলাফেলা গোজ্যে,’ সিয়েন কি তুই খিয়েল্ ন-গরচ্? তারা মঅ মানুচ্চুনোরে ঈচ্ গরন আর জাদ্ ইজেবে তারারে আর ন-দেগন্।

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

যিহিষ্কেল 16:46

তঅ দাঙর্ বোন্নো শমরিয়া; তা ঝিগুনোরে নিইনে তে তঅ উত্তোরেদি বজত্তি গরে। তঅ চিগোন বোন্নো অলঅ সদোম; তে তার ঝিগুনোরে নিইনে তর্ দোগিণেদি বজত্তি গরে।

যিহিষ্কেল 16:47

তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

যিহিষ্কেল 16:51

তুই যেদক্কানি পাপ গোজ্যস্ তার্ অদ্দেক্‌অ শমরিয়া ন-গরে। তুই তারাত্তুন বেশ্ আরঅ জঘন্য জঘন্য কাম গোজ্যস্। তুই ইয়েনি যেদক্কানি কাম গোজ্যস্ সিয়েনি দেগিনে তর্ বোনুনোরে বরং ধার্মিক মনে ওইয়্যে।

যিহিষ্কেল 23:44

মান্‌‌‌‌‌জ্যে যেবাবোত্যে বেশ্যে লগে ঘুম যান সেবাবোত্যে গুরি তারা অহলা আর অহলীবা লগে, সেই কামুক মিলেবো সমারে ঘুমেলাক্।

যিহিষ্কেল 23:9

সেনত্তে মুই তারে তা লাঙুনো আঢত্, অত্তাৎ যিগুনোরে তে কামনা গুরিদো সেই আসিরিয়গুনো আঢত্ ইরি দিলুং।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

দ্বি’লম্বর বিররণ 24:1

মেলা গরানার পরেন্দি যুনি কনজনে মোক্কো ভিদিরে কনঅ দুজ্‌ দেগিনে তা উগুরে বেজার্‌ অয় আর ছুড়্ কাবোজ্‌ লিগিনে তা আদত্‌ দিইনে তারে ঘরত্তুন্‌ বিদেয় গুরি দে,