যিরমিয় 3:7 - Chakma Bible

⁷ মুই মনে গোজ্যংগে ইয়েনি গুরিবার পরেদি তে মইধু ফিরি এবঅ, মাত্তর্ তে ন-এজে আর তার অবিশ্বেজি বোন যিহূদা সিয়েন দেখ্যে।

যিরমিয় 3:7 ပူးပေါင်းရင်းမြစ်များ

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 33:24

“মানুচ্চুনে যিয়েন কদন, ‘লগেপ্রভু ইস্রায়েল আর যিহূদার মানুচ্চুনোরে বেঈ নেযেয়্যে, মাত্তর্ ইক্কিনে তারারে এলাফেলা গোজ্যে,’ সিয়েন কি তুই খিয়েল্ ন-গরচ্? তারা মঅ মানুচ্চুনোরে ঈচ্ গরন আর জাদ্ ইজেবে তারারে আর ন-দেগন্।

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

যিহিষ্কেল 16:46

তঅ দাঙর্ বোন্নো শমরিয়া; তা ঝিগুনোরে নিইনে তে তঅ উত্তোরেদি বজত্তি গরে। তঅ চিগোন বোন্নো অলঅ সদোম; তে তার ঝিগুনোরে নিইনে তর্ দোগিণেদি বজত্তি গরে।

যিহিষ্কেল 16:47

তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।