যিরমিয় 3:1 - Chakma Bible

¹ লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 3:1 ပူးပေါင်းရင်းမြစ်များ

গীতসংহিতা 106:38

তারা নিদ্দুযিগুনোর, অত্তাত্ তারার পুয়ো-ঝিগুনোর লো ঝোরেই দিলাক্। তারা কনান মূত্তিগুনোর নাঙে তারার ডালি দিলাক্, সেক্কে পুরো দেজ্‌ছান সে লো-লোই ফি বাঁজিলো।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিরমিয় 22:20

লগেপ্রভু কোইয়্যেদে, “ও যিরূশালেম, তুই লেবাননত্ যেইনে রঅ ছাড়্, তর্ মুয়োর্ রবো বাশনত্ শুনো যোক্। তুই অবারীমত্তুন কিজেক্ কাড়্, কিত্তে তর্ বেক লাঙুনে ভস্ত ওই যেইয়োন।

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিরমিয় 4:1

লগেপ্রভু কোইয়্যেদে, “ও ইস্রায়েল, তুই যুনি ফিরি এবাত্তে চাজ্ সালে মইধু ফিরি আয়। যুনি তুই মঅ চোগো মুজুঙোত্তুন তর্ জঘন্য মূত্তিগুনোরে সোরেই দুয়োচ্ আর ভান্ন্যেই পধেদি ন-যাচ্,

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

যিহিষ্কেল 16:30

“‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

যিহিষ্কেল 16:35

ও বেশ্যে, লগেপ্রভুর কধানি শুন্।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

মীখা 2:10

তুমি উদো, যগোই, ইয়েন দঅ তমার জিরেবার জাগা নয়; কিয়া তুমি দেজ্‌‌‌চানরে অসিজি গোজ্য, সেনত্তে সিয়েন জদবদে ভস্ত ওই যেবঅ।

সখরিয় 1:3

সেনত্তে তুই মানুচ্চুনোরে কঅ, মুই বেগত্তুন্ খেমতাবলা লগেপ্রভু কঙর্, ‘তুমি মইন্দি ফিরো, সেক্কে মুইয়ো তমা ইন্দি ফিরিম।

মথি লেখ্যে গম্ হবর্ 5:31

আরঅ কুয়ো ওইয়্যেদে, যে কনজনে তা মোক্কোরে ছাড়ি দে তে তারে ছুড়্ কাবোজ্ দুয়োক্।

দ্বি’লম্বর বিররণ 22:21

মাত্তর মিলেবোরে তা বাপ্পোর ঘরর্‌ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্‌ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা।

বিচের গুরিয়্যেগুন 19:2

সে যের ঘরর্‌ মোক্কো সিনেলী গুরিলো আর তারে ছাড়িনে যিহূদার বৈৎলেহমত তা বাবঅ ঘরত্‌ ফিরি গেলঅ। তে সিদু চের্‌ মাস কাদানার পরেন্দি তা নেক্কো তারে নরম কধালোই বুঝে-বাঝাই ফিরে আনিবাত্তে গেলঅ। তা লগে এলঅ তা চাগর আর দ্বিবে গাধা। মিলেবো তারে লগে নেযেইনে তা বাবঅ ঘর ভিদিরে গেলঅ। তা বাপ্পো তারে দেগিনেই হুজি অলঅ।