যিরমিয় 29:25 - Chakma Bible

²⁵ ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুই নিজো নাঙে যিরূশালেমর বেক মানুচ্চুনো ইধু, মাসেয়র পুয়ো ধর্মগুরু সফনিয় ইধু আর অন্য বেক ধর্মগুরুগুনো ইধু চিদি পাদেয়োচ্।

যিরমিয় 29:25 ပူးပေါင်းရင်းမြစ်များ

২ রাজাবলী 19:14

হিষ্কিয় দূত্‌তুনো আঢত্তুন্‌ চিদিগান নেযেইনে পড়ি চেলঅ। সে পরেন্দি তে লগেপ্রভুর ঘরত্‌ যেইনে লগেপ্রভুর মুজুঙোত্‌ চিদিগান্‌ মিলিলো।

২ রাজাবলী 19:9

আসিরিয়ার রাজা সন্‌হেরীবে হবর্‌ পেলঅ, কূশ দেজর্‌ রাজা তির্হকেঃ তা বিরুদ্ধে যুদ্ধো গুরিবাত্তে নিগিল্যে। সেনত্তে তে দূত্‌তুনোরে দিইনে হিষ্কিয়ো ইদু কোই পাদেল,

২ বংশধর 32:17

ইয়েনিবাদেয়ো সন্‌হেরীবে ইস্রায়েলর গোজেন লগেপ্রভুরে অগমান গুরিবাত্তে চিদিগানত্‌ তা বিরুদ্ধে এ কধাগান লিগিলো, “অন্য দেজর্‌ জাদ্‌তুনোর্‌ দেবেদাগুনে যেধোক্ক্যেন গুরিনে মঅ আঢত্তুন্‌ তারা মানুচ্চুনোরে উদ্ধোর্‌ ন-গরন্‌, ঠিগ্‌ সেধোক্ক্যেন গুরিনে হিষ্কিয়োর গোজেনেয়ো মঅ আঢত্তুন্‌ তা মানুচ্চুনোরে উদ্ধোর্‌ ন-গুরিবো।”

নহিমিয় 6:17

সে অক্তত্‌ যিহূদার মুরুব্বীগুনে টোবিয়োর ইদু বোউত্‌ চিদি পাদেয়োন্‌ আর টোবিয়োর ইত্তুন্‌ তারা জোব্‌অ পেদাক্‌।

নহিমিয় 6:19

ইগুনে বাদেয়ো সে মুরুব্বীগুনে টোবিয়োর্‌ গম্‌ কামর্‌ কধানি মরে জানেদাক্‌ আর মঅ কধানিয়ো তারে জানেদাক্‌। টোবিয় মরে দর্‌বুক্‌ লাগেবাত্তে মইদু চিদি লিগিদো।

নহিমিয় 6:5

সে পরেন্দি পাচ্‌বারত্‌ সন্‌বল্লটে একই হবর্‌ দিইনে তা চাগর্‌বোরে মইদু পাধেই দিলো। তা আঢত্‌ এক্কান্‌ খুলো চিদি এলঅ।

যিরমিয় 29:1

বন্দীগুনো ভিদিরে বাঁজি থেইয়্যে বুড়ো নেতাগুনোরে, ধর্মগুরুগুনোরে আর ভাববাদীগুনোরে আর অন্য যিদুক্কুন মান্‌‍জ্যরে নবূখদ্‌নিৎসরে যিরূশালেমত্তুন্ বন্দী গুরিনে বাবিলোত্ নেযেয়্যে তারা ইধু ভাববাদী যিরমিয় যিরূশালেমত্তুন এক্কান চিদি পাদেয়্যে।

যিরমিয় 29:29

ধর্মগুরু সফনিয় মাত্তর্ সে চিদিগান ভাববাদী যিরমিয় ইধু পড়িলো।

যিরমিয় 37:3

তো একদিন্যে রাজা সিদিকিয় শেলিমিয়র পুয়ো যিহূখল আর মাসেয়র পুয়ো ধর্মগুরু সফনিয়রে এ হবরান দিইনে যিরমিয় ইধু পাধেই দিলো, “তুই দোয়্যে গুরিনে আমাত্তে আমা গোজেন লগেপ্রভু ইধু তবনা গর্।”

যিরমিয় 52:24

যিহূদীগুনোর আজল্ ধর্মগুরুবো সরায়, দ্বিলম্বর্ ধর্মগুরু সফনিয় আর তিনজন চুগিদাররে রক্ষীদলর্ সেনাপতিবো বন্দী গুরিনে নেযেল।