যিরমিয় 29:21 - Chakma Bible

²¹ কোলায়র পুয়ো আহাব আর মাসেয়র পুয়ো সিদিকিয়, যিগুনে মঅ নাঙে তমা ইধু মিজে কধা কদন্ তারা পৌইদ্যেনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই বাবিলোর রাজা নবূখদ্‌নিৎসর আঢত্ তারারে তুলি দিম্, আর তে তমা চোগো মুজুঙোত্ তারারে মারে ফেলেব।

যিরমিয় 29:21 ပူးပေါင်းရင်းမြစ်များ

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 29:15

তুমি অয়ত হবা, “লগেপ্রভু বাবিলোত্ আমাত্তে আমা ভিদিরেত্তুন্ ভাববাদীগুনোরে তুল্যে,”

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।