যিরমিয় 28:3 - Chakma Bible

³ বাবিল রাজা নবূখদ্‌নিৎসরে লগেপ্রভুর ঘরর্ যেদক্কানি পযাপিরা ইয়োত্তুন বাবিলোত্ সোরেই নেযা ওইয়্যে সিয়েনি মুই দ্বি বজর্ ভিদিরে ইধু ফিরেই আনিম।

যিরমিয় 28:3 ပူးပေါင်းရင်းမြစ်များ

পত্থম 47:28

যাকোবে মিসর দেজত্‌ আরঅ সতর বজর্‌ বাঁজি এলঅ। সেনত্তে তে একশঅ সাতচল্লিশ্‌ বজর্‌ বাঁজি এলঅ।

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

২ বংশধর 36:7

নবুখদ্‌নিৎসরে লগেপ্রভুর ঘরত্তুন্‌ পযাপিরানিয়ো বাবিলোত্‌ নেযেইনে তার্‌ মন্দিরোত্‌ রাগেল।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।