যিরমিয় 28:1 - Chakma Bible

¹ সেই একই বজরত্, যিহূদার রাজা সিদিকিয়র রাজাগিরির পৌইল্যাদি, অত্তাৎ চের্ বজরত্ পাচ্ মাজত্ গিবিয়োন শঅরর্ অসূরর পুয়ো ভাববাদী হনানিয় লগেপ্রভুর ঘরত্ ধর্মগুরুগুনোর আর বেক মানুচ্চুনো মুজুঙোত্ যিরমিয়রে এ কধাগান কলঅ,

যিরমিয় 28:1 ပူးပေါင်းရင်းမြစ်များ

১ রাজাবলী 3:4

রাজা একদিন্যে য়েমান-উৎসর্ব গুরিবাত্তে গিবিয়োনত্‌ গেলঅ, কিত্যে উৎসর্বত্তে সিদু উবোসনার উজু জাগায়ান এলদে আজলান্‌। শলোমনে সিদু এক আজার য়েমানদোই পুজ্যে-উৎসর্বর অনুষ্ঠানান্‌ গুরিলো।

২ রাজাবলী 24:18

এগোশ্‌ বজর বয়জত্‌ সিদিকিয় রাজা অলঅ। তে যিরূশালেমত্‌ এগার বজর রাজাগিরি গোজ্যে। তা মাবো নাঙান্‌ অলদে হমূটল; তে অলদে লিব্‌না শঅর যিরমিয়োর ঝি।

২ বংশধর 36:11

সিদিকিয় এগোজ্‌ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 23:28

যে ভাববাদীবো স্ববন দেখ্যে তে তার স্ববনর্ কধা স্ববন ইজেবে কোক্, মাত্তর্ যে মঅ কধানি পেইয়্যে তে সিয়েন বিশ্বেজর্ লগে কোক্; কিত্তে শোজ্য ইধু খেড়র কনঅ দাম নেই।

যিরমিয় 27:1

যোশিয়র পুয়ো যিহূদার রাজা সিদিকিয়র রাজাগিরির পৌইল্যাদি লগেপ্রভুর কধানি যিরমিয় ইধু ফগদাং ওইয়্যে।

যিরমিয় 27:12

যিহূদার রাজা সিদিকিয়রে মুই সে একই হবরান্ দিইনে কলুং, “বাবিল রাজার জুঙোল তলে তুমি তমার গত্তনাগুন্ লঙ; তার আর তা মানুচ্চুনোর চাগর অন, সেক্কে তুই বাঁজিবে।

যিরমিয় 27:3

সে পরেদি যিদুক্কুন দূতে ইদোম, মোয়াব, অম্মোন, সোর আর সিদোনর রাজাগুনোত্তুন যিরূশালেমত্ যিহূদার রাজা সিদিকিয় ইধু এচ্চ্যন্ তারারে দিইনে সে রাজাগুনো ইধু হবর্ পাদেবে।

যিরমিয় 28:11

সে পরেদি তে বেক মানুচ্চুনো মুজুঙোত্ কলদে, “লগেপ্রভু কোইয়্যেদে, ‘এবাবোত্যেগুরি মুই দ্বি বজর ভিদিরে বেক জাত্তুনোর গত্তনাগুনোত্তুন্ বাবিলোর রাজা নবূখদ্‌নিৎসরর জুঙোলান ভাঙি ফেলেম।’ ” সেক্কে ভাববাদী যিরমিয় সিয়েনত্তুন গেলগোই।

যিরমিয় 28:17

সে বজরর্ সাত্ মাজত্ ভাববাদী হনানিয় মুরি গেলঅ।

যিরমিয় 28:5

সেক্কে ভাববাদী যিরমিয় ধর্মগুরুগুনোরে আর যিদুক্কুন মানুচ্ লগেপ্রভুর ঘরত্ থিয়্যেই এলাক্ তারা মুজুঙোত্ ভাববাদী হনানিয়র কধাগানর জোব্ দিলো।

যিরমিয় 29:15

তুমি অয়ত হবা, “লগেপ্রভু বাবিলোত্ আমাত্তে আমা ভিদিরেত্তুন্ ভাববাদীগুনোরে তুল্যে,”

যিরমিয় 36:12

সেক্কে তে রাজঘর ভিদিরে লিগিয়্যেবোর ঘুদিবোত্ গেলঅ; সিদু বেক রাজার কামগুরিয়্যেগুন, অত্তাৎ লিগিয়্যে ইলীশামা, শময়িয়র পুয়ো দলায়, অক্‌বোরর পুয়ো ইল্‌নাথন, শাফনর পুয়ো গমরিয়, হনানিয়র পুয়ো সিদিকিয় আর অন্য বেক্ রাজার কামগুরিয়্যেগুন বুয়োই এলাক্।

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 37:19

যিগুনে তমা ইধু এ আগাম্ কধাগান গোজ্যেন্, বাবিল রাজা তরে বা এ দেজ্‌চানরে আক্রমণ ন-গুরিবো, তমা সেই ভাববাদীগুন কুদু?

যিরমিয় 49:34

যিহূদার রাজা সিদিকিয়র রাজাগিরির পৌইল্যাদি এলম পৌইদ্যেনে লগেপ্রভুর এ কধাগান ভাববাদী যিরমিয় ইধু ফগদাং অলঅ,

যিরমিয় 51:59

যিহূদার রাজা সিদিকিয়র রাজাগিরির চের্ বজরত্ মহসেয়র নাদিন, অত্তাৎ নেরিয়র পুয়ো সরায় যিবে রাজার এক্কো নিজো কামগুরিয়্যে এলঅ, তে যেক্কে রাজার লগে বাবিলোত্ যেইয়্যে সেক্কে যিরমিয় তারে কিজু উগুম দিয়্যে।

যিহিষ্কেল 13:6

তারার্ দর্শনান্ মিজে আর তারার্ গোণানা-পড়িদেনাগানি ঠিগ্ নয়। তারা কন্দে, মুই এ কধানি কঙর্, অদচ মুই তারারে ন-পাদাং; তো তারা আজা গরন তারার্ কধানি ফলিবো।

হোশেয় 7:3

তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।