যিরমিয় 27:19 - Chakma Bible

^19-20 ‘যেদক্কানি পযাপিরা মঅ ঘরত্ আর যিহূদা রাজার ঘরত্ আর যিরূশালেমত্ আঘে সিয়েনি বাবিলোত্ নেযা অবঅ আর যেদক্ ভিলোন সং মুই সিয়েনি ইন্দি মনযোগ ন-দুয়োং সেদক্ ভিলোন্ সং সিয়েনি সিয়েনত্ থেবঅ। সে পরেদি মুই সিয়েনি এ জাগানত্ ফিরেই আনিম। মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্।’ ”

যিরমিয় 27:19 ပူးပေါင်းရင်းမြစ်များ

১ রাজাবলী 7:23

সে পরেন্দি হীরামে পিদল গোলেইনে ঢাল্যে পানি রাগেবাত্তে ইক্কো গুল্‌গুরি দাঙর পিলে বানেল। পিলেবোর এক ডাগেত্তুন্‌ সোজাসুজি অন্যডাগন্দি মাপ এলদে দশ আত্, গভীন্‌ পাচ্ আত্‌ আর বেড়েয়্যেগুরি চেরোকিত্তে মাপ্পো তিরিশ আত্।

১ রাজাবলী 7:27

হীরামে পিদলর দশছুয়ো বাক্‌স ধোক্কেন্‌ জিনিস বানেল। সিগুনোর পত্তিবো চের্‌ আত্‌ লাম্বা, চের্‌ আত্‌ পাদাজ্যে আর তিন আত্‌ অজল এলঅ।

২ রাজাবলী 25:13

বাবিলীয়গুনে লগেপ্রভুর ঘর পিদোলর দ্বিবে খুদো, গাবালা বোজেবাত্তে পিদোল আসনানি আর পিদোল দাঙর্‌ পিলেবো ভাঙিনে কট্টা কট্টা গুরি বাবিলোত্‌ নেযেলাক্‌।

২ রাজাবলী 25:17

এক এক্কো খুদো এলাক্কে আদার আত্‌ অজল্‌ আর তা মাধাবো অলদে তিন আত্‌ অজল্‌। মাধাবোর চেরোকিত্তে পিদোল শিগোল্‌ আর পিদোল ডালিম সাজেয়্যে এলঅ।

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।