যিরমিয় 27:16 - Chakma Bible

¹⁶ সেক্কে মুই ধর্মগুরুগুনোরে আর বেক মানুচ্চুনোরে কলুং, লগেপ্রভু কোইয়্যেদে, “যে ভাববাদীগুনে তমারে কন্, খুব যাদিমাদি লগেপ্রভুর ঘরর্ জিনিস্‌‌‌চানি বাবিলত্তুন ফিরেই আনা অবঅ; তারার কধানি তুমি ন-শুন্ন্য। তারা তমা ইধু মিজে আগাম্ কধা কদন্।

যিরমিয় 27:16 ပူးပေါင်းရင်းမြစ်များ

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

যিশাইয় 9:15

সেই মাঢাগুন্ অলঅ বুড়ো নেতাগুনে আর সর্মান পেইয়্যে মানুচ্চুনে, আর লেজ্‌চান অলঅ মিজে শিক্ষ্যেদিয়্যে ভাববাদীগুনে।

যিরমিয় 27:10

তারা মিজে আগাম্ কধা কন, আর ইয়েনর কারনে তুমি তমা দেজত্তুন দূর্ ওই যেবা; মুই তমারে ধাবেই দিম আর তুমি ভস্ত ওই যেবা।

যিরমিয় 27:14

সেই ভাববাদীগুনোর কধা ন-শুনিবা যিগুনে তমারে কন, ‘তুমি কনদিন্‌অ বাবিলো রাজার চাগর ন-অবা’; তারা তমা ইধু মিজে আগাম্ কধা কন।

যিরমিয় 28:3

বাবিল রাজা নবূখদ্‌নিৎসরে লগেপ্রভুর ঘরর্ যেদক্কানি পযাপিরা ইয়োত্তুন বাবিলোত্ সোরেই নেযা ওইয়্যে সিয়েনি মুই দ্বি বজর্ ভিদিরে ইধু ফিরেই আনিম।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।