যিরমিয় 25:38 - Chakma Bible

³⁸ তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 25:38 ပူးပေါင်းရင်းမြစ်များ

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 25:30

“ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

যিরমিয় 50:16

বাবিলত্ যিগুনে বীজ ফেলান্ আর অক্ত মজিম্ ফসল কাবন্ তারারে বেক্কুনোরে শেজ্ গুরি দুয়ো। অত্যেচারির্ তলোয়ারর্ দরে পত্তিজনে তা নিজো মানুচ্চুনো ইধু ফিরি যেবাক্, পত্তিজনে তা নিজো দেজত্ ধেই যেবাক্।

যিরমিয় 50:44

যর্দনর ঝারত্তুন্ সিংহ যেবাবোত্যেগুরি উদি এইনে দোল্ চোরেয়্যে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে বাবিলীয়গুনোরে তারার দেজত্তুন্ লোড়েই দিম্। মুই সিয়েন উগুরে মর্ বেঈ লোইয়্যে মানুচ্চোরে নেযেম। কন্না মঅ সং সং? কন্না মঅ বিরুদ্ধে থিয়্যেই পারে? কন্ গরগে মঅ বিরুদ্ধে টিগি থেই পারে?”

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

সখরিয় 2:3

যে স্বর্গদূত্‌তো আগে মঅ লগে কধা কোইয়্যে তে যার্, এমন সময়োত্ আর এক্কো স্বর্গদূত তা লগে দেগা গুরিবাত্তে এলঅ।‌‌‌‌‌