যিরমিয় 25:34 - Chakma Bible

³⁴ ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 25:34 ပူးပေါင်းရင်းမြစ်များ

২ বংশধর 36:10

বজরর্‌ শেজত্‌ রাজা নবূখদ্‌নিৎসরে মানুচ্‌ পাদেইনে তারে আর তা লগে লগেপ্রভুর ঘরর্‌ মংগা পযাপিরানিয়ো বাবিলোত্‌ নেযেল, আর যিহোয়াখীনোর কুত্‌তো সিদিকিয়রে যিহূদা আর যিরূশালেমর রাজা বানেল।

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 2:16

বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 30:14

সিবে মাদির্ পিলে ধোক্ক্যেন্ কট্টা কট্টা ওইনে ভাঙি যেবঅ; সিয়েন এমন্ গুরিনে ভাঙি যেবঅ, সিগুনো ভিদিরে এক কট্টায়ো পাহ্ ন-যেবঅ যিয়েন্দোই চুলোত্তুন্ আঙারা বা কূয়োত্তুন্ পানি তুলি পারে।”

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 34:6

লগেপ্রভুর তলোয়ারানে লো-লোই গাট্যে; সিয়েন তেল্‌‌লোই নাঢা যেইয়্যে। সেই লো-নি ভেড়া ছাগল ছঅ আর ছাগল লো ধোক্ক্যেন আর তেলানি ভেড়া ছাগল বুগো তেল ধোক্ক্যেন্, কিত্তে লগেপ্রভু বস্রাত এক্কো উৎসর্বর অনুষ্ঠান গুরিবো আর ইদোমত্ ভালোক্কুনোরে কাবি ফেলা অবঅ।

যিশাইয় 34:7

সিগুনো লগে ঝার গোরু, বলদ গোরু আর দাঙর্ দাঙর্ গোরু কাবা অবঅ। তারা দেজ্‌ছান লো-লোই ভিজি যেবঅ, আর তেলানি ধূল্যেলোই নাঢা যেবঅ।‌

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 23:1

লগেপ্রভু কোইয়্যেদে, “অভিশাব্ পোড়োক সেই পালক্‌কুনোর, যিগুনে মর্ চড়িবার বামত্ ভেড়াগুনোরে ভস্ত গরদন্ আর ছিদি দেদন‍্।”

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 25:23

দদান, টেমা, বূষ দেজর্ মানুচ্চুনোরে; মাঢাবোর দ্বিকিত্তেদি চুল কাবা মানুচ্চুনোরে;

যিরমিয় 25:36

পালক্কুনোর কানানি আর পালর্ নেতাগুনোর আবিলেচ্ শুনো, কিত্তে লগেপ্রভু তারার চরেদে জাগায়ান বর্‌বাত গুরি ফেলেয়্যে। ‌‌‌‌‌

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

যিরমিয় 48:26

মোয়াবরে মাত্তল্ গরঅ, কিত্তে তে মঅ বিরুদ্ধে নিজোরে দাঙর্ গুরি দেগেয়্যে। তে তা ওগোল্যে উগুরে এগুড়্-উগুড়্ হেবঅ; মান্‌জ্যে তারে আজি- ঠাট্টার মানুচ্ কবাক্।

যিরমিয় 48:38

মোয়াবর বেক্ ঘরানির ছাল উগুরে আর শঅর্ চক্কর্‌‌‌বোত্ আবিলেচ্ গরানা বাদে আর কিচ্চু শুনো ন-যায়, কিত্তে যে পিলেবো কনজনে ন-চান সে পিলেবো ধোক্ক্যেন মুই মোয়াবরে ভাঙি ফেল্যং।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

যিহিষ্কেল 34:20

চঅ, মুই প্রভু লগেপ্রভু নিজেই পক্তা আর কেঙেদা ভেড়াগুনো ভিদিরে বিচের্ গুরিম।

দানিয়েল 11:8

তে তারার্ দেব-দেবেদা, ধাতুলোই বানেয়্যে বেক্ মূত্তিগুন আর রূবো, সনার্ মংগা মংগা জিনিস্ গজক্ গুরিনে মিসরত্ নেযেব। কয়েক বজর্ তে উত্তোর রাজা উগুরে কিচ্চু ন-গুরিবো।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

সখরিয় 10:3

লগেপ্রভু কত্তে, গরক্কুনো বিরুদ্ধে মঅ রাগ্‌‌কান জুলি উদের্, সেনত্তে মুই নেতাগুনোরে সাজা দিম। মুই বেগত্তুন্ খেমতাবলা লগেপ্রভু নিজো পালর্, অত্তাৎ যিহূদার মানুচ্চুনোরে দেগাশুনো গুরিম আর যুদ্ধোর্ বোলী ঘোড়া ধোক্ক্যেন গুরি তুলিম।

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।