যিরমিয় 25:32 - Chakma Bible

³² বেগত্তুন্ খেমতাবলা লগেপ্রভু কোইয়্যেদে, “চঅ, এক জাদত্তুন্ আর এক জাদত্ দজা ছিদি পোজ্যে; পিত্‌থিমীর শেজ্ ধুজিত্তুন এক্কান দর্‌‌‌‌গরেপারা ঝড় উদের্।”

যিরমিয় 25:32 ပူးပေါင်းရင်းမြစ်များ

২ বংশধর 15:6

এক্কো জাদে আর এক্কো জাদরে, এক্কান্‌ শঅরর্‌ মান্‌জ্যে অন্য শঅরর্‌ মান্‌জ্যরে নাশ গুরিবার চেট্ট্যা গুরিদাক্‌, কিত্তে নানা বাবোত্যে কুমংগল দিইনে গোজেনে তারারে দুঘ্ দিয়্যে।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 5:28

তারার্ সেলুন্ ধারেয়্যে, তারার্ বেক্ ধনুগানিত্ সেল্ লাগেয়্যে আঘে; তারার্ ঘোড়াগুনোর্ টেঙ মুরিগুন্ চোক্‌চোক্যে পাত্তর্ ধোক্ক্যেন্ দরমর, আর তারার্ রথ্‌তানির চাক্কাগুন্ থুঠ্যে বোইয়্যের ধোক্ক্যেন্।‌

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 30:23

চঅ, লগেপ্রভুর রাগ্‌কান ঝড় ধোক্ক্যেন ফাদি পড়িবো, ধাবেই দিয়্যে এক্কান বোইয়্যেরে ঘুরি ঘুরি পাজিগুনো মাঢা উগুরে লামি এবঅ। ‌‌‌‌‍

যিরমিয় 6:22

লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

যিরমিয় 6:23

তারা ইধু ধনু আর সেল্ আগন; তারা চিৎনপুজ্যে আর কনঅ মেয়্যে ন দেগান্। ঘোড়া পিদিত্ উদি এবার অক্তত্ তারা রঅগুন সাগর গুজুরি উদেধে ধোক্ক্যেন; ও সিয়োন-ঝি, তরে আক্রমন গুরিবাত্তে তারা যোদ্ধা ধোক্ক্যেন যুক্কোল্ ওই এত্তন্।”

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

লূকে লেখ্যে গম্ হবর্ 21:10

সে পরেদি যীশু তারারে কলঅ, এক জাদে অন্য জাদর্ বিরুদ্ধে আর এক রেজ্য অন্য রেজ্যর্ বিরুদ্ধে যুদ্ধো গুরিবো।

লূকে লেখ্যে গম্ হবর্ 21:25

“সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।