যিরমিয় 25:31 - Chakma Bible

³¹ পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিরমিয় 25:31 ပူးပေါင်းရင်းမြစ်များ

যিশাইয় 33:3

তঅ মুয়ো রবোলোই মানুচ্চুনে ধেই যান্; তুই উদিলে জাদ্‌তুনে ছিদি পড়ন্।‌

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

যিহিষ্কেল 30:3

এক্কো দর্‌‌গরেপারা দিন এজের্, কিত্যে দিন্নো কায়কুরে লুম্মেগি; সিবে মেঘে ঢাক্যে দিন আর জাদ্‌‌তুনোর শেজ্ সময়।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

হোশেয় 12:2

যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

মীখা 6:2

ও মুড়ো-মুড়িগুন, তুমি লগেপ্রভুর আবিত্তিগানি শুনো; ও পিত্‌‌‌‌‌‌‌‌‌‌থিমীর উমর খুদোগুন, তুমিয়ো শুনো। ইয়েনর কারনান্ তা মানুচ্চুনো বিরুদ্ধে লগেপ্রভুর কিজু কবার্ আঘে; তে ইস্রায়েল বিরুদ্ধে এক্কান মাম্‌‌‌‌‌‌‌‌‌‌‌লা দিয়্যে।