যিরমিয় 24:8 - Chakma Bible

⁸ “মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 24:8 ပူးပေါင်းရင်းမြစ်များ

১ বংশধর 3:15

যোশিয়ো পত্তম পুয়োবো যোহানন, দ্বিলম্বর যিহোয়াকীম, তিন লম্বর সিদিকিয়, চের্‌ লম্বর শল্লুম।

যিরমিয় 13:7

সেনত্তে মুই ইউফ্রেটিস গাঙ ইধু যেইনে জাংগিবো যিয়েনত্ লুগেই থোইয়োং সিয়েনত্তুন্ সিবে খুড়িনে নিগিলেলুং, মাত্তর্ সেক্কে সিবে বর্‌‌‌‌বাত আর পুরোপুরিভাবে অকেজো ওই যেইয়্যে।

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 24:2

এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

যিরমিয় 24:5

মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

যিরমিয় 37:10

যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 43:1

লগেপ্রভু যিরমিয়রে যেদক্কানি কধা কবাত্তে মানুচ্চুনো ইধু পাদেয়্যে তে যেক্কে সে বেক্ কধানি কনা থুম্ গুরিলো সেক্কে হোশয়িয়র পুয়ো অসরিয়, কারেহের পুয়ো যোহানন আর বেক্ বাড়্‌বো মানুচ্চুনে যিরমিয়রে কলাক্, “তুই মিজে কধা কত্তে। ‘তুমি মিসরত্ বজত্তি গুরিবাত্তে ন-যেবা’ এ কধাগান কবাত্তে আমা গোজেন লগেপ্রভু তরে ন-পাদায়।

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,