যিরমিয় 23:31 - Chakma Bible

³¹ অয়, মুই সেই ভাববাদিগুনো বিরুদ্ধে যিগুনে নিজো জিলান লারান আর ফগদাং গরন, ‘লগেপ্রভু কোইয়্যেদে।’

যিরমিয় 23:31 ပူးပေါင်းရင်းမြစ်များ

১ রাজাবলী 22:11

সেক্কে কনানার পূঅ সিদিকিয় লুয়োর্‌ শিং বানেইনে এ কধাগান্‌ ফগদাঙ্‌ গুরিলো, “লগেপ্রভু কত্তে, অরামীয়গুনে শেজ্‌ ওই ন-যানা সং তুই ইয়েনিলোই তারারে খাত্যেবে।”

২ বংশধর 18:5

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারা অলাক্কে চের্‌শত্‌ জন। তে তারারে পুযোর্‌ গুরিলো, “রামোৎ-গিলিয়দ বিরুদ্ধে কি আমি যুদ্ধো গুরিবাত্তে যেবং, নাহি ন-যেবং?” তারা কলাক্‌, “যঅ, কিত্তে গোজেনে সিয়েন্‌ রাজার আঢত্‌ তুলি দিয়্যে।”

যিশাইয় 30:10

তারা রিনি চেইয়্যেগুনোরে কন্দে, “তুমি আর দর্শন ন-চেয়ো,” আর ভাববাদীগুনোরে কন্দে, “যিয়েন সত্য সিয়েন আমারে আর্ ন-কোয়ো। আমা ইদু গম্ হবরর্ কধা কঅ; যিয়েন সত্য নয় এবাবোত্যে বেক্ বেপারানির আগাম্ কধা কঅ।

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিরমিয় 23:30

“সেনত্তে যে ভাববাদীগুনে অন্যগুনোত্তুন্ মঅ কধানি চুর্ গরন মুই তারা বিরুদ্ধে।

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিরমিয় 28:17

সে বজরর্ সাত্ মাজত্ ভাববাদী হনানিয় মুরি গেলঅ।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

দ্বি’লম্বর বিররণ 18:20

মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।