যিরমিয় 23:27 - Chakma Bible

²⁷ তারা মনে গরন যেবাবোত্যেগুরি তারার পুরোণি মানুচ্চুনে বাল দেবেদার পূজো গুরিনে মঅ নাঙান ভুলি যেইয়োন সেবাবোত্যে গুরিনে তারার যেদক্কানি স্ববনর কধা তারা বেক্কুনো কন্ সিয়েনিলোই তারা মঅ মানুচ্চুনোরে মঅ নাঙান ভুলেই দিবাক্।

যিরমিয় 23:27 ပူးပေါင်းရင်းမြစ်များ

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 29:8

তমা ভিদিরে ভাববাদী আর গোণোক্ক্যেগুনে যেন তমারে ন-ঠকায়। তারা যেদক্কানি স্ববন্ দেগন সিয়েনিত্ তুমি মনযোগ ন-দুয়ো।

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।