যিরমিয় 22:24 - Chakma Bible

²⁴ লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 22:24 ပူးပေါင်းရင်းမြစ်များ

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:15

নবূখদ্‌নিৎসরে যিহোয়াখীনরে বন্দী ইজেবে বাবিলোত্‌ নেযেল। তে যিরূশালেমত্তুন্‌ রাজার মাবোরে, তা মোক্কুনোরে, তা কাম্‌গুরিয়্যেগুনোরে আর দেজর্‌ মুরুব্বী মানুচ্চুনোরেয়ো নেযেল।

১ বংশধর 3:16

যিহোয়াকীমো পুয়োগুনে অলাক্‌ যিকনিয় আর সিদিকিয়।

২ বংশধর 36:9

যিহোয়াখীনে আদার বজর বয়জত্‌ রাজা ওইয়্যে আর তিন মাস দশ দিন যিরূশালেমত্‌ রাজাগিরি গোজ্যে। লগেপ্রভুর চোগেদি যিয়েনি ভান্ন্যেই তে সিয়েনিই গুরিদো।

পরমগীত 8:6

সীলমহ্‌র ধোক্ক্যেন্ গুরি তুই মরে তঅ মনত্ আর তঅ আঢত্ রাগা; কিত্তে কোচ্‌পানাগান্ মরণ ধোক্ক্যেন্ খেমতাবলা, পাওনা কোচ্‌‌‌‌পানার্ আওজ্‌‌‌চান মরণ জাগা ধোক্ক্যেন্ উদি ন-যায়।‌‌

যিশাইয় 49:16

চাহ্, মঅ আঢ পাদানত্ মুই তঅ নাঙান্ লিগি রাগেয়োং; তর্ চেরোকিত্তে দেবালান নিত্য মঅ মুজুঙোত আঘে।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 22:6

যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিরমিয় 24:1

বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

যিরমিয় 28:4

ইয়েন বাদেয়ো মুই যিহোয়াকীমোর পুয়ো যিহূদার রাজা যিহোয়াখীনরে আর যিহূদার অন্য যিদুক্কুন বন্দী বাবিলোত্ যেইয়োন তারারেয়ো এ জাগানত্ ফিরেই আনিম, কিত্তে মুই বাবিলো রাজার জুঙোলান ভাঙি ফেলেম। মুই লগেপ্রভু এ কধাগান কঙর্।’ ”

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 37:1

বাবিলর রাজা নবূখদ্‌নিৎসরে যোশিয়র পুয়ো সিদিকিয়রে যিহূদার রাজা বানেল, সেনত্তে সিদিকিয় যিহোয়াকীমর পুয়ো কনিয়র, অত্তাৎ যিহোয়াখিনো জাগানত্ রাজাগিরি গরা ধুরিলো।

হগয় 2:23

ও শল্টীয়েলর পুয়ো মর্ চাগর্ সরুব্বাবিল, মুই লগেপ্রভু সেদিন্যে তরে নিইনে মর্ সীলমহ্‌‌‌রর আংটি ধোক্ক্যেন গুরিম, কিত্যে মুই তরে বেঈ লোইয়োং।’ মুই বেগত্তুন্ খেমতাবলা লগেপ্রভু এ কধাগান কঙর্।”