যিরমিয় 21:9 - Chakma Bible

⁹ যে কনজনে এ শঅরত্ থেবঅ তে যুদ্ধোত্ বা ভাদরাদে বা ভানালোই মুরি যেবঅ, মাত্তর্ যে কনজনে বারেদি নিগিলিনে তমা আক্রমণ গুরিয়্যে বাবিলীয়গুনো আঢত্ নিজোরে তুলি দে তে বাঁজিবো; তে তা পরাণান বাঁজেই পারিবো।

যিরমিয় 21:9 ပူးပေါင်းရင်းမြစ်များ

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 27:11

মাত্তর্ যুনি কনঅ জাদে বাবিলোর রাজার জুঙোল তলে গত্তনাবো লঙান্ আর তার চাগর্ অন সালে মুই সে জাদ্‌তোরে তার নিজোর দেজত্ থেবাত্তে দিম্ যেনে তারা সিধু খেত্-খেত্তি আর বজত্তি গুরি পারন। মুই লগেপ্রভু এ কধাগান কঙর্।’ ”

যিরমিয় 27:12

যিহূদার রাজা সিদিকিয়রে মুই সে একই হবরান্ দিইনে কলুং, “বাবিল রাজার জুঙোল তলে তুমি তমার গত্তনাগুন্ লঙ; তার আর তা মানুচ্চুনোর চাগর অন, সেক্কে তুই বাঁজিবে।

যিরমিয় 27:13

যে জাদ্‌তো বাবিলো রাজার চাগর্ ন-অবঅ তা বিরুদ্ধে লগেপ্রভু যিয়েন কোইয়্যে সেবাবোত্যে কিত্তে তুই আর তঅ মানুচ্চুনে যুদ্ধো, ভাদরাত আর ভানালোই মুরি যেবাক্?‌

যিরমিয় 38:2

যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিরমিয় 38:3

এ শঅরান্ ঘেচ্চেকগুরি বাবিল রাজার সৈন্যদলর আঢত্ দি দিয়্যে অবঅ; তারা ইয়েন গজক্ গুরিবাক্।’ ”

যিরমিয় 39:18

মুই হামাক্কায় তরে রোক্ষ্যে গুরিম; তরে মারে ফেলা ন-অবঅ, বরং তুই কনবাবদে তঅ পরাণান্ রোক্ষ্যে গুরিবে, কিত্তে তুই মঅ উগুরে বিশ্বেজ্ গোজ্যস্। মুই লগেপ্রভু এ কধাগান কঙর্।’ ”

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।