যিরমিয় 2:36 - Chakma Bible

³⁶ বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 2:36 ပူးပေါင်းရင်းမြစ်များ

২ বংশধর 28:16

সে অক্তত্‌ রাজা আহসে সাহায্য চেবাত্তে আসিরিয়ার রাজা ইদু মানুচ্‌ পাদেল।

যিশাইয় 20:5

যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 2:33

“ও যিহূদা, তুই কোচ্‌‍‍পানা ইন্দি কত্তমান কাবিল্! বেগত্তুন্ ভান্ন্যেই মিলেয়ো তঅ পথ্‌‌‌‌তান দেগিনে শিগি পারে।

যিরমিয় 22:20

লগেপ্রভু কোইয়্যেদে, “ও যিরূশালেম, তুই লেবাননত্ যেইনে রঅ ছাড়্, তর্ মুয়োর্ রবো বাশনত্ শুনো যোক্। তুই অবারীমত্তুন কিজেক্ কাড়্, কিত্তে তর্ বেক লাঙুনে ভস্ত ওই যেইয়োন।

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিরমিয় 46:12

জাদ্‌তুনে তঅ লাজানা পৌইদ্যেনে শুনিবাক্; তঅ কানানিলোই পিত্‌থিমীগান ভর্‌পুণোং অবঅ। এক যোদ্ধা অন্য আর একজন উগুরে উজোত্ হেইনে দিজনে একসমারে পড়িবাক্।”

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

আবিলেচ্ 5:6

যগাজ্যে হানা পেবাত্তে আমি মিসর আর আসিরিয়ার অধিন্ ওইয়্যেই।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 29:7

তারা তরে আঢ্‌‌তোই ধুরিলে পরেদি তুই ফাদি যেইনে তারার্ কানা উগুরে আঘাত্ গুরিদে। তারা যেক্কেনে তঅ উগুরে ভর্ দিদাক্ সেক্কে তুই ভাঙি যেদে আর তারার্ পিঠ্‌‌তানি সেক্কে মজরা যেদঅ।

হোশেয় 10:6

সিবে আসিরিয়াত্ নেযা ওইয়্যে আর মহারাজার কর্ ইজেবে দিয়্যে ওইয়্যে। সেনত্তে ইফ্রয়িমে অসর্মানিত্ অবঅ, ইস্রায়েলে তার্ নিজোর্ পরিকল্পনাত্তে লাজেব।

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।