যিরমিয় 2:26 - Chakma Bible

²⁶ “চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 2:26 ပူးပေါင်းရင်းမြစ်များ

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 44:11

যিগুনে মূত্তি লগে থান্ তারারে লাজত্ ফেলা অবঅ; তারার কালিগরুনে মানুচ্ বাদে আর্ কিচ্চু নয়। তারা বেক্কুনে এইনে একসমারে থিয়্যেদোক্; তারা দরে গির্‌গিরেবাক্ আর একসমারে অসর্মান অবাক্।‌‌‌

যিশাইয় 44:9

যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 32:32

কিত্তে ইস্রায়েল অার যিহূদার মানুচ্চুন, তারার বেক্ রাজা আর রাজার কামগুরিয়্যেগুন, ধর্মগুরু আর ভাববাদীগুন আহ্ যিহূদা যিরূশালেমর মানুচ্চুনে তারার বেক্ ভান্ন্যেই কামানিলোই মরে অহুজি গোজ্যন্।

যিরমিয় 4:9

লগেপ্রভু কোইয়্যেদে, “সেদিন্যে রাজা দাঙর্ পদত্ কামগুরিয়্যেগুনে সাহস আরেবাক্, আর ধর্মগুরুগুনে আর ভাববাদীগুনে আমক্ অবাক্।”

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

যিহিষ্কেল 16:54

সেক্কে তুই অসর্মান মনে গুরিবে আর তর্ সে ভান্ন্যেই কামানিত্তে তারা নিজোরে গম্ বিলি মনে গোজ্যন্ সিয়েনিত্তে তুই লাজেবে।

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।