যিরমিয় 2:21 - Chakma Bible

²¹ মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

যিরমিয় 2:21 ပူးပေါင်းရင်းမြစ်များ

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

গীতসংহিতা 44:2

তুই নিজোর আঢে অন্য জাদ্‌‌তুনোরে ধাবেই দিইনে সেই জাগানত্ আমা পুরোণি মানুচ্চুনোরে বোজেয়োচ্; তুই সেই মানুচ্চুনো উগুরে দজা আন্যচ্ আর আমা পুরোণিমানুচ্চুনোরে দাঙর্ অবাত্তে দুয়োচ্।

গীতসংহিতা 80:8

তুই এক্কান আংগুর লুদি ধোক্ক্যেন্ মিসর দেজত্তুন্ আমারে আনিলে; অন্য জাদ্‌তুনোরে ধাবেই দিইনে তুই সিয়েনরে লাগেলে।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

যাত্রা 15:17

তুয়ই তর্‌ মানেইয়ুনোরে আনিনে চারা ধোক্ক্যেন গুরি লাগেই দিবে তর্‌ নিজোর্‌ মুড়োবোত্‌। ও লগেপ্রভু, তর্‌ নিজোর আত্তোই গোজ্যে সিয়েনই তর্‌ থেবার্‌জাগা; ও প্রভু, তর্‌ নিজো আত্তোই‌ গোজ্যে সিয়েনই‌ সেই সুদ্ধো-সাংগ জাগায়ান্;

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 27:2

সেদিন্যে এ গান্নো গাহ্ অবঅ: “তুমি গান গঅ সেই আংগুর খেত পৌইদ্যেনে যিয়েনত্তুন্ রস পাহ্ যায়।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 11:16

লগেপ্রভু এ জাদ্‌‍‍‌‌তোরে গুলোগুলিয়ে ভরা দোল্ এক্কো জলপাই গাজ বিলি ডাক্যে। মাত্তর্ জদবদে ঝড়র গুজুরোনিয়ে তে সিয়েনত্ আগুন ধোরেই দিবো আর সিয়েনত্ তা ডেলাগুন ভাঙি পড়িবাক্।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,

আবিলেচ্ 4:1

হায়! সোনাগানে কিবাবোত্যেগুরি তা জোল্‌জোল্যেগান আরেয়্যে, খাটি সোনা বুদুলি যেইয়্যে। পত্তি দফদা পদথ্ ছিদি রোইয়্যেদে মংগা মংগা পাত্তরুন্।

যিহিষ্কেল 15:2

ও মান্‌জ্যর্ পুয়োবো, আংগুর গাজর্ ডেলাগুন্ কি ঝারর্ অন্য যে কনঅ গাজ ডেলাত্তুন্ গম্?

মথি লেখ্যে গম্ হবর্ 21:33

“যীশু কলঅ, আর এক্কান্ উপমা দুয়োং, শুনো। এক্কো ভূইয়ো গিরোজে এক্কান্ আংগুর খেত্ গুরিনে সিয়েনর্ চেরোকিত্তে ঘিরি দিলো। পরেদি সেই খেদ ভিদিরে আংগুর-রস বানেবাত্তে গাঢ্ খুড়িলো আর এক্কান্ অজল্ চুগিদার ঘর বানেল। ইয়েনর্ পরেদি তে কয়েক্কো চাষাবলা ইধু সেই আংগুর খেদ্‌তান বাগা দিইনে বিদেশত্ গেলঅ।

মার্ক 12:1

ইয়েনর্ পরেদি যীশু হিত্ত্যলোই তারা ইধু শিক্ষ্যে দিয়্যে ধুরিলো। তে কলঅ, এক্কো ভূইয়ো গিরোজে এক্কান আংগুর খেদ গুরিনে সিয়েনর্ চেরোকিত্তে ঘিরি দিলো। পরেদি তে আংগুর-রস বানেবাত্তে এক্কো গাঢ্ খুড়িলো আর এক্কান অজল্ চুগিদার ঘর্ বানেল। পরেদি তে কয়েক্কো চাষাবলা ইধু খেদ্‌তান বাগা দিইনে বিদেশত্ গেলঅ।

লূকে লেখ্যে গম্ হবর্ 20:9

ইয়েন পরেদি যীশু মানুচ্চুনোরে এ হিত্ত্যবো কলঅ: এক্কো মান্‌‌‌‌জ্যে এক্কান আংগুর-খেদ্ গুরিলো আর চাষাবলাগুনো ইধু সিয়েন্ বাগা দিইনে ভালোক্ দিনোত্যে বিদেশত্ গেলঅ।

যোহন 15:1

মুয়ই আজল্ আংগুর্ গাজ্ আর মঅ বাপ্পো গিরোজ্।

দ্বি’লম্বর বিররণ 32:32

লগেপ্রভু কলঅ, “তারার আংগুর গাছ সদোমর আংগুর গাজত্তুন্ আর ঘমোরার ক্ষেদত্তুন এস্যে। তারার আংগুরুনোত্‌ আগন্দে বিষ, তারার আংগুর থুপ্পুন্ তিদে।

দ্বি’লম্বর বিররণ 4:37

তে তমার পুরোণি মানুচ্চুনোরে কোচ্‌পেদঅ আর তারার্‌ পরেন্দি তারার্‌ বংশধরুনোরে বেঈ লোইয়্যে। সেনত্তে তে নিজে আঝিল্ ওইনে তার্‌ দাঙর্‌ বলান্দোই মিসর দেজত্তুন্‌ তমারে নিগিলেই আন্যে।

যিহোশূয় 24:31

যিহোশূয়র জীংকানিত্‌ আর তা পরেন্দি যিদুক্কুন বুড়ো নেতায় ইস্রায়েলীয়গুনোত্তে লগেপ্রভু যিয়েনি গোজ্যে সিয়েনি দেখ্যন্‌ তারার জিংকানিত্‌ ইস্রায়েলীয়গুনে লগেপ্রভুরে সেবা গোজ্যন্‌।