যিরমিয় 2:13 - Chakma Bible

¹³ কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 2:13 ပူးပေါင်းရင်းမြစ်များ

২ রাজাবলী 22:17

তারা মরে বাদ দিইনে দেব-দেবেদাগুনো নাঙে আগর্‌বাট্টি জ্বালেয়োন্‌ আর তারা আঢে বানেয়্যে বেক্‌ মূত্তিগুন্দোই মরে মনত্ দুগ্ লাগেয়োন; সেনত্তে এ জাগান বিরুদ্ধে মর্‌ রাগ আগুনান্‌ জুলি উদিবো আর সিয়েন্‌ মারা ন-যেবঅ।

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:2

তে কোইয়্যেদে, “বাহ্‌জে, বাহ্‌জে ধরনর্! কনঅ কিজু থিদেবর্ নয়। বেক্কানি বাহ্‌জে!”

উপদেশক 12:8

উপদেশকে কোইয়্যেদে, “বাহ্‌জে, বাহ্‌জে, বেক্কানি বাহ্‌জে!”

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:21

ইয়েনর্ কারনান্ অলঅ, জ্ঞান, বুদ্ধি আর যোগ্যতালোই একজনে কাম্ গুরি পারে, মাত্তর্ সে পরেদি তার্ বেক্কানি অধিকার্ ইজেবে এধোক্ক্যেন্ একজনত্তে থোই যাহ্ পুরিবো যে মানুচ্চো তাত্তে কনঅ কাম্ ন-গরে। ইয়েন্অ বাহ্‌জে আর অমকদ দুঘোর্ কধা।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 14:3

মুরুব্বীগুনে পানিত্তে তারার চাগরুনোরে পাদান; তারা পানি জাগাত্ এইনে পানি ন-পেইনে সুদো কুম্‌‌বোই ফিরি যান; তারা লাজে আর আশা আরেইনে ওইনে মাঢাগুন নাঢি রাগান্।

যিরমিয় 15:6

মুই লগেপ্রভু কঙর্, তুই মরে ছাড়ি যেইয়োচ্, তুই উগুদো পধেদি যেইয়োচ্। সেনত্তে মুই তইন্দি আত্ বাবেইনে তরে ভস্ত গুরিম; মুই আর মেয়্যে গুরি ন-পারং।

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 18:14

লেবাননর্ ঈন্ কি কনদিন্‌‌অ তার মুড়োমুড়ির কামা জাগাত্তুন বেক্কান গলি যায়? দূরোত্তুন এচ্চ্যে তার জুরো পানি বেঈ যানাগান কি কনদিন্‌‌অ বন্ধ ওই যায়?

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 2:17

তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:26

মঅ মানুচ্চুনো ভিদিরে এন্ পাজি মানুচ্ আগন যিগুনে পেগ্ শিগেরি ধোক্ক্যেন উৎ পাদিনে থান; তারা ফাল্ পাদিনে মানুচ্ ধরন।

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

যিহিষ্কেল 47:1

সে পরেদি তে মরে উবোসনা-ঘরত্ সোমেবার্ মুয়োনত্ তলাত্তুন পানি নিগিলিনে পূগেদি বেঈ যার্। উবোসনা-ঘরান পূগেদি মু এলঅ। সেই পানিগান উবোসনা-ঘরর্ দোগিণেদি তলাত্তুন্ পূজোবোর্ দোগিণেদি বেঈ যার্।

মীখা 2:8

এচ্চ্যে মঅ মানুচ্চুনে শত্রু ধোক্ক্যেন ওই উঠ্যন্। যুদ্ধোত্তুন্ ফিরি এচ্চ্যে মানুচ্চুনো ধোক্ক্যেন যিগুনে নিচিদে গুরি পধেদি আঢন্ তারা কিয়্যেনিত্তুন্ তুমি কাবড়ানি খুলি নেযর্।

মীখা 6:3

লগেপ্রভু কত্তে, “ও মঅ মানুচ্চুন, মুই তমারে কি গোজ্যং? কেধোক্ক্যেন গুরি মুই তমারে দুঘ্ দুয়োং? মরে জোব্ দে।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:11

মিলেবো কলঅ, “মাত্তর্ তত্তুন্ পানি তুলিবাত্যে কিচ্চু নেই আর কূয়োবোয়ো গভীন্। সালে সেই জেদা পানিগান্ কুত্তুন্ পেলে?

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

২ পিতর 2:17

এই মানুচ্চুনে শুগেই যেয়্যে পয়নালা ধোক্ক্যেন আর ঝর আবাত্ বেঈ নেযেয়্যে কুয়ো ধোক্ক্যেন। ঘুর্‌ঘুজ্জ্যে আন্ধার্ তারাত্যে থুবেই রাগা ওইয়্যে।

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

বিচের গুরিয়্যেগুন 10:13

মাত্তর্‌ তুমি মরে ছাড়ি যেইনে দেবেদাগুনোরে পূজো গোজ্য, সেনত্তেই আর মুই তমারে উদ্ধোর গুরি ন-পারিম্‌।

১ শমূয়েল 12:10

সেক্কে তমার পূরোণি মানুচ্চুনে লগেপ্রভুর ইদু কানাকুদি গুরিনে কলাক্, আমি পাপ গোজ্যেই; আমি লগেপ্রভুরে বাদ দিইনে বাল দেবেদাগুনোরে আর অষ্টারোৎ দেবীগুনোরে পূজো গোজ্যেই; ইক্কিনে তুই শত্রুগুনোর আঢত্তুন আমারে রোক্ষে গর্‌, আমি তরই সেবা গুরিবোং।