যিরমিয় 19:10 - Chakma Bible

^10-11 “সে পরেদি যিগুনে তঅ লগে যেবাক্ তারার চোগো মুজুঙোত্ তুই সেই মাদির্ পিলেবো ভাঙিবে আর তারারে কবে, বেগত্তুন খেমতাবলা লগেপ্রভু কোইয়্যে, ‘কুমরর্ এই পিলেবো যেধোক্ক্যেন কট্টা গরা অলে সিবে আর জোড়া দিয়্যে ন-যায় ঠিগ্ সেধোক্ক্যেন মুই এ জাদ্ বা শঅরানরে কট্টা কট্টা গুরিম। যেদক দিন সং তোফদত্ জাগা থেবঅ সেদকদিন সং তারা সিয়েনত্ তারার মরা মানুচ্চুনোরে গোর্ দিবাক্।

যিরমিয় 19:10 ပူးပေါင်းရင်းမြစ်များ

যিশাইয় 30:14

সিবে মাদির্ পিলে ধোক্ক্যেন্ কট্টা কট্টা ওইনে ভাঙি যেবঅ; সিয়েন এমন্ গুরিনে ভাঙি যেবঅ, সিগুনো ভিদিরে এক কট্টায়ো পাহ্ ন-যেবঅ যিয়েন্দোই চুলোত্তুন্ আঙারা বা কূয়োত্তুন্ পানি তুলি পারে।”

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

যিরমিয় 48:12

মাত্তর্ দিন এজের্ যেক্কে মুই কুমোত্তুন্ ঢালেদে মানুচ্চুনোরে পাধেই দিম, আর তারা তারে ঢালিনে নিগিলেবাক্; তারা তা কুমুন্ সুদো গুরিবাক্ আর তা পিলেগুন চুরমার গুরি দিবাক্।

যিরমিয় 48:38

মোয়াবর বেক্ ঘরানির ছাল উগুরে আর শঅর্ চক্কর্‌‌‌বোত্ আবিলেচ্ গরানা বাদে আর কিচ্চু শুনো ন-যায়, কিত্তে যে পিলেবো কনজনে ন-চান সে পিলেবো ধোক্ক্যেন মুই মোয়াবরে ভাঙি ফেল্যং।

মথি লেখ্যে গম্ হবর্ 26:7

সেই মিলেবো এক্কো ধুব্ পাত্তর পিলেত্ গুরিনে অমকদ মংগা আতর্ আনিলো। যীশু যেক্কে হেবাত্তে বুজিলো সেক্কে তে তা মাঢাবোত্ সেই তুম্বাজ্ তেলান্ ঢালি দিলো।