যিরমিয় 18:20 - Chakma Bible

²⁰ ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

যিরমিয় 18:20 ပူးပေါင်းရင်းမြစ်များ

ইয়োব 6:27

তুমি মা-বাপ্‌ নেইয়্যে গুনোরে চাম্বা চেইনে থাগঅ আর সমাজ্যেবোরে বিজি দিবাত্তে চঅ।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 119:95

পাজিগুনে মরে শেজ্ গুরিবাত্তে বাজ্জেই আগন্, মাত্তর্ তর্ কধানিলোই মুই গমেডালে চিদে গুরিম।

গীতসংহিতা 35:12

ভালেদির বদলে তারা মর্ অমংগল গোজ্যন্; হায়, কি দুর্ভাগ্যত্তে মুই!

গীতসংহিতা 35:7

তারা এনেবাদে মত্তে গাদ উগুরে হবর্ ন-পেইয়্যে গুরি জাল্ পাত্যন্, এনেবাদে মত্তে গাত্ খুজ্যন্।

গীতসংহিতা 38:20

মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গীতসংহিতা 57:6

তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গীতসংহিতা 7:15

গাত্ খুড়িনে তে ভিদিরেত্তুন্ মাদি তুলি ফেলায় আর নিজো গাঢত্ নিজে পড়ে।

গম্ উপদেজ্ 17:13

যে মানুচ্চো উপকারর বদলে অপকার গরে, অপকারানে কনদিন্‌অ তা ঘরান ন-ছাড়িবো।

গম্ উপদেজ্ 26:27

যে মানুচ্চো গাদ্ খুড়ে তে সিবে ভিদিরে পড়ে; যে মানুচ্চো পাত্তর্ গোজ্যেই দে তা উগুরে সিবে ফিরি এজে।

উপদেশক 10:8

যে গাদ্ খুড়ে তে সিবে ভিদিরে পড়ি পারে; যে দেবাল্ ভাঙে তারে সাবে কামেড়েই পারে।

যিরমিয় 11:14

এ মানুচ্চুনোত্তে তুই কনঅ তবনা ন-গুরিচ্ বা তারাত্তে কনঅ কোজোলী ন-গুরিচ্, কিত্তে তারার দুঘোর্ সময় তারা মরে ডাগিলে মুই ন-শুনিম।

যিরমিয় 14:20

ও লগেপ্রভু, আমি আমার পাজিগানি আর আমা পুরোণি মানুচ্চুনোর দুষোর্ কধানি স্বিগের্ গুরির্; আমি ঘেচ্চেকগুরি তঅ বিরুদ্ধে পাপ গোজ্যেই।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 18:19

ও লগেপ্রভু, মঅ কধাগান শুন; মর্ বিপক্ষগুনে মঅ বিরুদ্ধে যিয়েনি কোইয়োন সিয়েনিত্ মনযোগ দে।

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

যিরমিয় 27:18

যুনি তারা ভাববাদী ওই থান্ আর লগেপ্রভুর কধানি তারা ইধু থায় সালে লগেপ্রভুর ঘরর্, যিহূদা রাজার ঘরর্ আর যিরূশালেমর যেদক্কানি পযাপিরা ইক্কিনেয়ো বাগি রোইয়্যে সিয়েনি যেনে বাবিলত্ নেযা ন-অয় সেনত্তে বেগত্তুন খেমতাবলা লগেপ্রভুর ইধু তারা কোজোলী গোরোদোক্।

যিরমিয় 5:26

মঅ মানুচ্চুনো ভিদিরে এন্ পাজি মানুচ্ আগন যিগুনে পেগ্ শিগেরি ধোক্ক্যেন উৎ পাদিনে থান; তারা ফাল্ পাদিনে মানুচ্ ধরন।

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

আবিলেচ্ 3:59

ও লগেপ্রভু, মঅ উগুরে যে অন্যেয়ান্ গরা ওইয়্যে সিয়েন দঅ তুই দেখ্যচ্। মঅ উগুরে ন্যায়বিচের্ গর্।

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 15:25

ইয়েন ওইয়্যে যেন তারার্ আইন-কানুনোত্ লেগা এ কধাগান্ পূরোণ্ অয়, তারা অকারণে মরে ঘিনেয়োন্।

১ শমূয়েল 19:4

যোনাথনে তা বাপ্পো শৌল ইদু দায়ূদোরে নাঙ্‌ গিনেনে কলদে, “মহারাজ, তর্‌ চাগর্‌ দায়ূদো বিরুদ্ধে তুই কনঅ পাপ ন-গুরিবে, বরং তে যিয়েনি গোজ্যে সিয়েনি তর্‌ বোউত্‌ উপকার ওইয়্যে।