যিরমিয় 17:17 - Chakma Bible

¹⁷ তুই মর্ ভাঙি পড়িবার কারন ন-ওচ্; দযার্ দিনোত্ তুয়ই মর্ আশ্রয়।

যিরমিয় 17:17 ပူးပေါင်းရင်းမြစ်များ

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গীতসংহিতা 59:16

মাত্তর্ মুই তর্ বল পৌইদ্যেনে গান গেম্, আর বেন্যেমাদান হুজিয়্যে তর্ অমকদ কোচ্‌পানার গান গেম; কিত্তেই তুই মর্ ঘর, দযাত্ আশ্রয়র-জাগা।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 17:7

মাত্তর্ সে মানুচ্চো বর্‌পেইয়্যে, যে লগেপ্রভু উগুরে বিশ্বেজ্ গরে আর লগেপ্রভু যিবের্ বিশ্বেজর্ গড়াগান।‍‌‍

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

ইফিষীয় 6:13

সেনত্যে তুমি যুদ্ধোত্যে গোজেনর্ দিয়্যে বেক্ সাজ-পোজাগ্‌কানি পিনো, যেন শদানে যেদিন্যে আক্রমণ গুরিবো সেদিন্যে তুমি তারে থেগেই পারঅ আর বেক্কানি থুম্ গুরিনে থির্ ওইনে থিয়্যেই থেই পারঅ।